سوپای عێراق چوار جووتیاری کورد لە سنووری هەفتەغار دەستگیر دەکەن

ئاڤا نیوز

 

لە گوندی مەنسوور لە سنووری هەفتەغار سوپای عێراق چوار جووتیاری کورد دەستگیر دەکەن، دانیشووانی گوندەکە دەڵێن دەستگیرکردنی ئەو جووتیارانە بەبێ هیچ هۆکارێک بووە.

 

وێنە گەورەکە: فشارەکانی سوپای عێراق بۆ سەر جووتیارانی کورد لە گوندەکانی سنووری پارێزگای کەرکووک بەردەوامە و بە هەموو جۆرێک ڕێگریی دەکات لەوەی جووتیاران لەسەر زەوییەکانیان کار بکەن.

 

لێدوانی فەرمی: جووتیارێکی گوندی مەنسوور لە سنوری هەفتەغار بە ئاڤا میدیای ڕاگەیاند: بەیانی ئەمڕۆ سوپای عێراق هەڵمەتێکیان لە سنووری گوندەکە دەستپێکرد و چوار جووتیاریان دەستگیرکرد کە لە زەوییە کشتوکاڵییەکانیاندا سەرقاڵی ئاودێری بوون.

 

زانیاریی زیاتر: بەوتەی دانیشتووانی گوندەکە، دەستگیرکردنی جووتیارەکان بەبێ هیچ بیانوویەک بووە، چونکە لەنێو زەوییەکانی خۆیاندا بوون و خەریکی کاربوون و هیچ شتێکی دیکە ڕووینەداوە.

 

باکگراوند: دەستگیرکردنی ئەم جووتیارانە لەکاتێکدایە، لە مانگی ڕابردوودا سێ جووتیاری دیکەی کورد لەسەر سکاڵای عەرەبە هاوردەکان و لە دادگای داقووق سزای دوو ساڵ زیندانیکردنییان بۆ دەرچوو، کە پێشتر و بەر لە دوومانگ لەو بڕیارەی دادگا بەهۆی ئەوەی عەرەبە هاوردەکان چووبوونە سەر جووتیارەکان لە گوندەکەیان و ئەمانیش بۆ بڵاوەپێکردنیان تەقەیان بەسەردا کردبوون.