حکومەتی نوێی سووریا: کار لەسەر باشترکردنی ئازادیی ڕادەربڕین بۆ ڕۆژنامەنووسان دەکەین

ئاڤا نیوز

 

وەزیری ڕاگەیاندنی حکومەتی ڕاگوزەریی سووریا دووپاتی دەکاتەوە،  کار لەسەر "بوونیادنانی ڕاگەیاندنی ئازاد" دەکەن و بەڵێنیشی دا ئازادیی ڕادەربڕین دەستەبەر بکات، کە ئەمانە هەمووی لە سەردەمی دەسەڵاتی ئەسەدی باوک و کوڕ بۆ ماوەی دەیان ساڵ تەواو سنووردار کرابوون.

 

لێدوانی فەرمی: محەممەد یەعقوب عومەر، وەزیری ڕاگەیاندنی سووریا  ڕاگەیاند: 
•    کۆتوبەندی زۆر لەسەر ئازادیی ڕۆژنامەوانی و ڕادەربڕین دانرابوو لە سەردەمی ڕژێمی پێشوو، لە قۆناغی داهاتوودا  کار لەسەر بونیادنانی ڕاگەیاندنی ئازاد لە سووریا دەکەین کە بابەتی و پیشەییانە کار بکات هەروەها کاریش بۆ باشترکردنی ئازادی ڕۆژنامەوانی و ڕادەربڕین دەکەین لە کاتێکدا لە سەردەمی ڕژێمی پێشوو بە تووندی سنووردار کرابوون.
•    ئەلعومەر دووپاتیشی کردەوە، ڕێکارە ئیدارییەکان(بیروکراسی) کەم دەکەینەوە هاوکات ئاسانکاری بۆ شاندەکانی ڕۆژنامەنووسانی بیانی دەکەین، کە پێشتر ڕاگەیاندنەکانی بیانی سنووردارکرابوون و بە ئاسانی ڤیزایان پێ نەدەدرا بێنە سووریا.

 
ئەوەی پێویستە بیزانیت: لە 08-12-2024 ئۆپۆزیسیۆنی چەکداریی سووریا توانیی لە ماوەی 11 ڕۆژدا لە ئۆپەراسیۆنێکی بەرفراواندا حکومەتی سووریا بڕوخێنێت و ڕۆژێک دوای ئەوە حکومەتی ڕاگوزەری پێکهێنرا، هەر لە سەرەتای ئۆپەراسیۆنەکە و دوای پێکهێنانی حکومەتی نوێ، بەرپرسان داوایان لە ڕاگەیێندکار و میدیاکانی ڕژێمی پێشوو کرد لەسەر کارەکانیان بمێنن و بەردەوام بەکارەکانیان بدەن.