دوای ئاهەنگەکانی سەری ساڵ هەولێر لە زبڵ و پاشماوەکان پاک دەکرێتەوە

ئاڤا نیوز

 

دوای بەڕێوەچوونی ئاهەنگەکان و دەربڕینی خۆشی و شادی لە لایەن هاونیشتمانیان و گەشتیاران بەبۆنەی سەری ساڵی نوێوە، بەرەبەیانی یەکەم ڕۆژی ساڵی 2025، 1227 کارمەند لە بەڕێوەبەرایەتی خزمەتگوزاری و ژینگە پارێزی پارێزگای هەولێر، ماندونەناسانە شاری هەولێریان پاکردەوە.

 

لێدوانی فەرمی: بەڕێوەبەری خزمەتگوزاری و ژینگەپارێزی هەولێریش لەم بارەیەوە دەڵێت: لەمساڵدا دوای ئاهەنگەکانی سەری ساڵی نوێ زبڵ و خاشاکی کەمترمان کۆکردۆتەوەوە، بە بەراورد بە ساڵی ڕابردوو.
 

ژمارەکان وادەڵێن: تەنها دوای ئاهەنگەکانی سەری ساڵی نوێ، لە تەواوی هەرێمی کوردستان زیاتر لە 3 هەزار و 650 تۆن خۆڵ و خاشاک و پاشماوە کۆکراوەتەوە:

 

بە تەنها لە سنووری پارێزگای هەولێر زیاتر لە 2000 تۆن پاشماوە کۆکراوەتەوە.

لە پارێزگای سلێمانی زیاتر لە 1000 تۆن خۆڵ و خاشاک کۆکراوەتەوە.

لە پارێزگای دهۆکیش زیاتر لە 650 تۆن پاشماوەی خۆڵ و خاشاک کۆکراوەتەوە.

 

ئەمەش بزانە: هەرچی خۆڵ و خاشاک و پاشماوە هەیە لە سنووری پارێزگای هەولێر  لە ڕێگەی 600 ئامێرەوە ڕۆژانە کۆدەکرێتەوە و دەهێندرێتە دەبرێتە زبڵخانەی کانی قڕژاڵەیە، دواتر بە شێوەیەکی زانستی پاشماوەکان ژێر خاک دەکرێت.