عەممار حەکیم هۆشدارییەکانی ترەمپ بۆ لایەنە عێراقییەکان ئاشکرا دەکات

ئاڤا نیوز

سه‌رۆكی ڕه‌وتی حیكمه‌ی نیشتمانی پشتڕاستی دەکاتەوە کە زانیاری لەسەر بەئامانجگرتنی گرووپە چەکدارەکانی عێراق لەبەردەستدایە.

 

وێنە گەورەکە: لەسەر چالاکییە سەربازییەکانی گرووپە چەکدارەکانی عێراق وەک پاڵپشتی لە حیزبوڵڵا و حەماس دژ بە ئیسرائیل، عێراق چەندین پەیامی هەڕەشەی لەلایەن ئەمریکاوە پێگەیشتووە ئەگەر بێت و سنوورێک بۆ ئەو گرووپانە دانەنرێت و چەک تەنیا لە دەست هێزەکانی دەوڵەت نەبێت، ئەوا لەو گرووپانە دەدرێت.

 

لێدوانی ڕۆژنامەوانی: عه‌ممار حه‌كیم، سه‌رۆكی ڕه‌وتی حیكمه‌ی نیشتمانی ڕایگەیاند: مەبەست لە سنووردارکردنی چەک لە ڕاگەیێنراوەکەی ئەم دواییەی مەرجەعیەت، چەکی دەست گرووپەکانە. ڕەنگە بەپێی ئەوەی لە ئیدارەی ئەمریکاوە دەستمان دەکەوێت، بکرێنە ئامانج.

 

بە گوتەی حەکیم، زانیاری لەسەر بەئامانجگرتنی گرووپە چەکدارەکانی عێراق لەبەردەستدایە. بەڵام ئیدارەی ترەمپ "نیازی نییە ڕژێمی ئێران بڕووخێنێت یان سیستەمی سیاسی عێراق بکاتە ئامانج."

 

ئەوەی لەوبارەیەوە دەگوترێت: پێشتریش مەحموود مەشهەدانی، سەرۆکی ئەنجوومەنی نوێنەرانی عێراق ڕایگەیاندبوو: سەرۆکی هەڵبژێردراوی ئەمریکا، لەبارەی گرووپە چەکدارەکانەوە هۆشداریی بە سەرۆکوەزیرانی عێراق داوە و ئاماژەی بۆ ئەوەش کردبوو گوشارەکانی ئەمریکا بووە هۆکاری وەستانی نیازی ئیسرائیل بۆ هێرشکردنە سەر عێراق.