قایمقامی هەولێر: ڕێژەی دەرمانی قاچاخ زۆر کەمبووەتەوە

ئاڤا نیوز

 

20 لیژنەی تایبەت لە سنووری پارێزگای هەولێر چاودێری بازاڕ دەکەن و قایمقامی قەزای ناوەندی هەولێریش دەڵێت: بەراورد بە ساڵانی ڕابردوو، ڕیژەی دەرمانی قاچاخ زۆر کەمبووەتەوە.

 

وێنە گەورەکە: ئەمڕۆ دووشەممە 6-1-2025، قائیمقامی قەزای ناوەندی هەولێر، ئامار و چالاکییەکانی ساڵی ڕابردووی بڵاوکردەوە کە لە بەشێکی بڵاوکراوەکەدا باسی لە داخستن ئەو شوێنانەکرد کە سەرپێچیان کردووە.

 

لێدوانی فەرمی: نەبەز عەبدولحەمید، قایمقامی قەزای ناوەندی هەولێر لە کۆنگرەیەکی رۆژنامەوانی دا ڕایگەیاند: لە 2024 دا، بەهۆی پابەند نەبوون بە ڕێنماییەکانەوە، 234 شوێنی وەک تاقیگە، دەرمانخانە، نۆرینگە، سەنتەرە جوانکارییەکان داخراون.

 

زانیاریی زیاتر: هەر ساڵی رابردوودا 105 تۆن خۆراکی ماوە بەسەرچوو دەستی بەسەر داگیراوە و لەناو براون.

 

ئەوەی پێویستە بیزانیت: قائیمقامی هەولێر باسی لەوەشکرد، لیژنەکانی قائیمقامیەت بەردەوام لە پەیوەندی دایە لەگەڵ کوالێتی کۆنترۆڵ پشکنین بۆ دەرمانخانە و کۆمپانیاکانی دەرمان دەکەن؛ بەراورد بە ساڵانی ڕابردوو، ئێستا ڕیژەی دەرمانی قاچاخ زۆر کەمبووەتەوە.