لێبڕینی مووچەی خانەنشینانی عێراق کاردانەوەی لێدەکەوێتەوە

ئاڤا نیوز

 

لێبڕینی 1%ـی مووچەی فەرمانبەران و خانەنشینانی عێراق بۆ پشتیوانی غەززە و لوبنان لەسەرەتای ئەم مانگەوە بە بڕینی مووچەی خانەنشینان  دەىستی پێکرد،  ئەمەش کاردانەوەی لێکەوتەوە.

 

وێنە گەورەکە: ئەنجوومەنی وەزیرانی عێراق لە کۆبوونەوەی ڕۆژی 26-11-2024 کە بە سەرۆکایەتیی محەممەد شیاع سوودانی بەڕێوەچوو، بڕیاری لێبڕینی 1%ی مووچەی فەرمانبەران و خانەنشینانی کەرتی گشتی بۆ پشتیوانی غەززە و لوبنان بۆ ماوەی شەش مانگ دەرکرد.

 

لێدوانی فەرمی: ئەمیر دەعمی، شارەزا لە بواری یاسایی ڕایگەیاند: هەر فەرمانبەر و خانەنشینێک یەک دینار لە مووچەکەی بەهەر پاساوێک لێببڕدرێت، مافی ئەوەی هەیە پەنا بۆ دەسەڵاتی دادوەری ببات و سکاڵای یاسایی لەسەر دەستەی خانەنشینی و وەزارەتی دارایی و حکومەتی فیدراڵی تۆمار بکات.

 

زانیاریی تایبەت: هەرچەندە لە بڕیارەکەی حکومەتی عێراق لێبڕینی ئەو بڕە پارەیە ئارەزوومەندانەیە، بەڵام بەپێی بەدواداچونی ئاڤا میدیا سەرجەم خانەنەنشینان بڕی 1%ـی مووچەکەیان لێبڕاوە، ئەمەش ناڕەزایەتیەکی زۆری لەتۆرە کۆمەڵایەتیەکان  لێکەتووەتەوە.