کۆبوونەوەیەکی نهێنی سوودانی و قائانی ئاشکرا دەبێت

ئاڤا نیوز

 

سەبارەت بەچارەنووسی چەکدارانی بەرەی مقاوەمەی ئیسلامی لە عێراق، فەرماندەی سوپای قودسی ئێرانی هەڵوێستی وڵاتەکەی بە سەرۆکوەزیرانی عێراق گەیاندووە.

 

زانیاریی بەدەستهاتوو: بەگوێرەی سەرچاوەیەکی ئاگادار ئیسماعیل قائانی، فەرماندەی سوپای قودسی ئێران بە سەردانێکی نهێنی هاتۆتە بەغدا و چەند کاتژمێرێکی خایاندووە، لەو ماوەیەدا لەدوو کۆبوونەوەی جیاوازدا لەگەڵ هەریەکە لە محەممەد شیاع سوودانی، سەرۆکوەزیرانی عێراق و سەرۆکی هێزە چەکدارەکانی بەرەی مقاوەمە کۆبووەتەوە.

 

پەپێی زانیارییەکانی ئەو سەرچاوەیە، قائانی پەیامێکی گەیاندووەتە سوودانی و دووپاتی کردوەتەوە، تاران ڕێگری له هیچ بڕیارێک سەبارەت بە چارەنووسی  بەرەی مقاوەمە لە عێراق ناکات.

 

زانیاریی زیاتر: قائانی لەگەڵ سەرۆکی هێزە چەکدارەکانی بەرەی مقاوەمە کۆبووەتەوە و  داوای کردووە لەم قۆناغەی ئێستادا پابەندبن بەو بڕیارانەی کە لەلایەن حکومەتی عێراقەوە دەردەچن.