چوارچێوەی هەماهەنگی جەخت لە هەمواری یاسای کەسێتی دەکاتەوە

ئاڤا نیوز

 

چوارچێوەی هەماهەنگی لەگەڵ نزیکبوونەوە لە دەستپێکردنەوەی وەرزی یاسا دانانی پەرلەمانی عێراق، لە دوایین کۆبوونەوەیدا جەخت لەسەر پەسەندکردنی پەسەندکردنی یاسا هەڵپەسێردراوەکان بە تایبەتی هەموای یاسای باری کەسێتی دەکاتەوە. 

 

وێنە گەورەکە: سەرکردەکانی هاوپەیمانیی چوارچێوەی هەماهەنگی ڕۆژی 06-01-2025 بە ئامادەبوونی محەممەد شیاع سوودانی، سەرۆکوەزیرانی عێراق کۆبوونەوە و چەندین پرسی ناوخۆ و نێودەوڵەتییان تاوتوێ کرد.

 

ڕاگەیێنراوی فەرمی: چوارچێوەی هەماهەنگی لەبەیاننامەیەکەدا ڕایگەیاند: هاوپەیمانییەکە جەختی لەسەر گرنگیی تێپەڕاندنی یاسا گرنگەکان کردەوە لە سەرووی هەموویانەوە یاسای باری کەسێتی، ڕۆڵی حکومەتی عێراقی لە پرسە نێودەوڵەتییەکان بەرز نرخاند.

 

ئەوەی پێویستە بیزانیت: ئەم داواکارییەی چوارچێوەی هەماهەنگی لە کاتێکدایە لە نۆی ئەم مانگە پەرلەمانی عێراق دەست بە وەرزی نوێ یاسادانان دەکاتەوە و چەندین یاسای گرنگی لەبەردەم دایە بۆ تێپەڕاندنیان.