مەکۆران دەکرێتە پایتەختی نوێی ئێران

ئاڤا نیوز

 

کارکردن لەسەر بیرۆکەی گواستنەوەی پایتەختی ئێران لە تارانەوە بۆ شوێنێکی دیکە بەردەوامە و لەم چوارچێوەیەشدا حکومەتی ئەو وڵاتە شاری مەکۆرانی وەک جێگرەوەی تاران دیاری دەکات. 

وێنە گەورەکە: بەهۆی کەمی سەرچاوە سروشتییەکان و داهات و هەڵکەوتەی جوگرافی شارەکە، حکومەتی ئێران بە نیازە پایتەختی ئەو وڵاتە لە تارانەوە بۆ شوێنێکی دیکە بگوازێتەوە کە سەرچاوەی هەمەچەشنی هەبێت. 

 

لێدوانی فەرمی: فاتیمە موهاجەرانی، وتەبێژی حکومەتی ئێران، ڕایگەیاند "ئەو شوێنەی کە بیری لێدەکرێتەوە ناوچەی 'مەکۆران'ـە". 

ئەوەی پێویستە بیزانیت: مەکۆران دەکەوێتە باشووری ئێران و لە کەناری کەنداوە. ئێران دەیەوێت بۆ سوودوەرگرتن لە ئابووریی دەریایی پایتەختەکەی بۆ سەر دەریا بگوازێتەوە و بەم شێوەیەش ڕووبەڕووی کێشەکانی ئێستای تاران ببێتەوە، وەک کێشەی پیسبوونی هەوا، قەرەباڵغی و قەیرانی کەمی شوێنی نیشتەجێبوون.

ئەوش بزانە: نزیکەی سی ساڵە بیرۆکەی گواستنەوەی پایتەخت لە ئێران هەیە و لە سەردەمی مەسعوود پزیشکیانیشدا کاری جیدیتیری لەسەر دەکرێت.