هەسەدە: لە ڕۆژئاوای کوردستان هێرش دەکرێتە سەر هاووڵاتییانی سیڤیل

ئاڤا نیوز

 

لە ڕۆژئاوای کوردستان کاروانێکی ئۆتۆمبێلی هاووڵاتییان دەکرێتە ئامانج و بەهۆیەوە چەند کەسێک گیان لەدەست دەدەن و ژمارەیەکی دیکەش بریندار دەبن.

 

چیرۆکی سەرەکی: لە ناوچەکانی ژێر دەسەڵاتی سووریای دیموکراتەوە، هاووڵاتییان بە دەیان ئۆتۆمبێلەوە بەرەو بەنداوی تشرین بەڕێکەوتن و کاروانی ئۆتۆمبێلەکانیان کرایە ئامانج.

 

بڵاوکراوەی فەرمی: بەپێی هەواڵێکی ئاژانسی ANHA، لە کاتێکدا هاووڵاتییان بەرەو بەنداوی تشرین کەوتوونەتە ڕێ، لە چەند شوێنێکەوە کاروانی ئۆتۆمبێلەکانیان کراوەتە ئامانج، بەهۆیەوە چەند کەسێک گیانیان لەدەستداوە، هاوکات ژمارەیەکی دیکەش بە سەختی بریندار بوون.

 

زانیاریی زیاتر: هێزەکانی سووریای دیموکرات هێرشە بەردەوامەکان بۆ سەر بەنداوی تشرین بە مەترسی دەزانێت و دەڵێت: "ئەم هێرشانە مەترسیی ڕاستەخۆیان لەسەر بەنداوەکە دروستکردووە".