یاسر جبووری "بەکەفالەت" ئازاد کرا

ئاڤا نیوز

 

یاسر جبوری، چالاکوانێکی عێراقی - ئێرلەندییە و لەسەر سکاڵایەکی سوودانی دەستگیرکرابوو، ئەمڕۆ "بەکەفالەت" ئازاد کرا.

 

چیرۆکی سەرەکی: یاسر جبووری بۆ جێهێشتنی عێراق، چووبووە فڕۆکەخانەی نێودەوڵەتیی بەغدا و پێش ئەوەی سواری فڕۆکە ببێت، لەلایەن هێزە ئەمنییەکانەوە دەستگیرکرا.

 

ئەوەی پێویستە بیزانیت: وەزارەتی دەرەوەی ئێرلەندا لەسەر دۆسیەی دەستگیرکردنی ئەلجبووری، پەیوەندی بە بەرپرسانی بەغدا کرد و سوودانیش لە دادگا سکاڵایەک لە دژی چالاکوانێک کشاندەوە، بۆیەش چالاکوانەکە ئازادکرا.

 

زانیاریی زیاتر: یاسر جبووری لە تۆڕە کۆمەڵایەتییەکان ڕەخنەی لە حکومەتی عێراق و هێزە ئەمنییەکان دەگرت و ڕەنگە دەستگیرکردنەکەشی پەیوەندی بەمەوە هەبووبێت؛ ئەم چالاکوانە وڵاتینامەی ئێرلەندای هەیە و ماوەی چەند ساڵێکیشە لەو وڵاتە دەژی.