سەرۆکوەزیران بارزانی: بەزووترین کات بەربەستەکانی بەردەم هەرناردەکردنەوەی نەوت نەمێنن

ئاڤا نیوز

 

ئەنجوومەنی وەزیرانی حکومەتی هەرێمی کوردستان کۆبووەوە، لە کۆبوونەوەکەدا سەرۆکوەزیران مەسرور بارزانی جەختی لە هەناردەکردنەوەی نەوت کردەوە.

 

وێنە گەورەکە: لە کۆبوونەوەی ئەنجوومەنی وەزیراندا، سەرۆکوەزیران مەسرور بارزانی ئاماژە بە سەردانەکەی بۆ ئەنقەرە و کۆبوونەوە لەگەڵ ڕەجەب تەیب ئەردۆغان و بەرپرسانی باڵای ئەو وڵاتەی کرد، هاوکات جەختی لە هەناردەکردنەوەی نەوتی هەرێمی کوردستانیش کردەوە.

 

ئەوەی پێویستە بیزانیت: جیا لە پەرەپێدانی پەیوەندیی دوو لایەنە، جەخت لە ڕۆڵی گرنگی هەرێمی کوردستان لە ناوچەکە و چارەسەرکردنی کێشەکانی نێوان هەرێمی کوردستان و حکومەتی فیدراڵ کرایەوە، بە تایبەتی نەهێشتنی بەربەستەکانی هەناردەکردنەوەی نەوت لە زووترین کاتدا.

 

لێدوانی فەرمی: پێشەوا هەورامانی، وتەبێژی حکومەتی هەرێمی کوردستان بە ئاڤا میدیای ڕاگەیاند: تورکیا ئامادەیە دەست بە هەناردەکردنەوەی نەوتی هەرێمی کوردستان بکات، بەڵام لەلایەن حکومەتی عێراقەوە کەمتەرخەمی هەیە.

 

باکگراوند: نزیکەی دوو ساڵە هەناردەی نەوتی هەرێمی کوردستان لە ڕێگەی بەندەری جەیهانەوە ڕاگیراوە، ئەمەش زیاتر لە 25 ملیار دۆلار زیانی بە بودجەی گشتیی عێراق گەیاندووە.