پەرلەمانی عێراق یەکشەممەی داهاتوو کۆدەبێتەوە

ئاڤا نیوز

 

بڕیارە پەرلەمانی عێراق یەکەم دانیشتنی لە خولی یەکەمی ساڵی چوارەمی یاسادانان، یەکشەممەی داهاتوو 12-1-2025 ئەنجام بدات. 

 

ڕاگەیێنراوی فەرمی: بەپێی ڕاگەیێنراویی نووسینگەی پەرلەمانی عێراق، بڕیارە ڕۆژی یەکشەممە کاتژمێر 01:00ـی پاش نیوەڕۆ پەرلەمانی عێراق کۆببێتەوە بۆ دەنگدان لەسەر هەموارکراوی یەکەم یاسای پاسپۆرت، هاوکات خوێندنەوەی یەکەمیش بۆ یاسای هەموارکراوی یاسای گشتیی خانەنشینی ژمارە نۆی ساڵی 2014 بکات.

 

له‌لایه‌كی دیكه‌وه: پەرلەمانی عێراق کارنامەی ڕۆژی دواتر 13-1-2025ـی بڵاوکردەوە، گرنگترینیان خوێندنەوەی یەکەمی یاسای جینوسایدی کوردانی ئێزیدییە، هاوکات خوێندنەوەی دووەمی ماددەی 13 ـی هەمواری یاسا سێ ساڵیەکەی حکومەتی عێراقە.    

 

ئەوەی پێویستە بیزانیت: پاش ئەوەی پەرلەمانی عێراق ماوەی یاسادانانی لە بەرواری 30-11-2024ـەوە بۆ ماوەی 30 ڕۆژ درێژکردەوە، ئەمڕۆ پێنجشەممە 9-1-2025 خولی نوێی یاسادانانی پەرلەمانی عێراق دەستی پێکردەوە.