مەزڵووم عەبدی: هەسەدە دەبێتە بەشێک لە سوپای نوێی سووریا

ئاڤا نیوز

 

فەرماندەی هێزەکانی سووریای دیموکرات (هەسەدە) ئاشکرایکرد، هێزەکانیان بەشێک دەبن لە سوپای نوێی سووریا و جەختیشیکردەوە لە ڕێککەوتنەکەی لەگەڵ ئیدارەی نوێی ئەو وڵاتە سەبارەت بە داهاتووی سووریا.

 

وێنە گەورەکە: دوای ئەوەی ئیدارەی نوێی سووریا وەزیری بەرگری وڵاتەکەی دەستنیشانکرد، دەیەوێت لەداهاتویەکی نزیکدا سەرجەم هێزە چەکدارەکانی ئۆپەراسیۆنی رزگارکردنی سووریا هەڵبوەشێنێتەوە و لە ژێر یەک دامەزراوەدا کۆیان بکاتەوە و سوپایەکی نوێی لێ دروست بکات.

 

لێدوانی فەرمی: مەزڵووم عەبدی، فەرماندەی هێزەکانی سووریای دیموکرات ڕایگەیاند:

 

- "کاتێک لە ساڵی 2015 هێزەکانی سووریای دیموکراتمان دامەزراند، گوتمان ئەو هێزانە بەشێک دەبن لە سیستەمی بەرگری داهاتووی سووریا، ئێستاش لە پڕۆسەی بنیاتنانی سوپای نوێی سووریا بەشێک دەبین لەو پرۆسەیە". 

 

- "لەگەڵ ئیدارەی نوێی سووریا هاوڕاین لەسەر داهاتووی سووریا و ڕێککەوتووین لەسەر پاراستنی یەکپارچەیی و ئاشتەوایی خاکی سووریا. هاوکات هەر پرۆژەیەک ڕەتدەکەینەوە کە ببێتە هۆی دابەشکردنی خاکی سووریا.