سبەی لە هەولێر لایەنە كوردستانییەكان كشانەوەیان لە بەغدا تاوتوێ دەكەن

ئاڤا نیوز

 

سبەی وەزیر و پەرلەمانتار و بەرپرسانی دیكەی كورد لە بەغدا بانگهێشتی هەولێر دەكرێنەوە و كۆبوونەوەیەكی فراوان دەكرێت و تێیدا كشانەوەی كورد لە بەغدا تاوتوێ دەكرێت.

 

چیرۆکی سەرەکی: لە کۆبوونەوەی ڕۆژی چوارشەممەی ڕابردوو، ئەنجوومەنی وەزیرانی هەرێمی کوردستان تاوتوێی دۆخی دارایی ساڵی 2024 و پابەندنەبوونی حکومەتی فیدراڵی بە پێدانی شایستە داراییەکانی هەرێمی کوردستان کرا و جەخت لەوە کراوەتەوە له‌ ساڵی‌ نوێدا نابێت به‌مجۆره‌ مامه‌ڵه‌ له‌گه‌ڵ‌ فه‌رمانبه‌رانی‌ هه‌رێمی کوردستان بكرێت.

لێدوانی فەرمی: عەزیز ئەحمەد، جێگری بەڕێوەبەری نووسینگەی سەرۆکوەزیرانی هەرێمی کوردستان لە لاپەڕەی خۆی لە تۆڕی كۆمەڵایەتیی (X) ڕایگەیاند: بە هۆی بەردەوامیی دواکەوتن و ناکۆکی لەسەر پارەدانی فیدراڵی بۆ هەرێمی کوردستان، سەرجەم وەزیر و پەرلەمانتار و بەرپرسانی كورد لە بەغدا بانگهێشتی هەولێر كراون و سبەی كۆبوونەوەیەكی فراوان دەكرێت.

 

زانیاریی زیاتر: لە کۆبووەنەوەکەدا وەزیر، سەرۆکی فراکسیۆنەکان و سەرجەم نوێنەرانی هەرێمی کوردستان بەرچاوڕوونییان لەبارەی هەنگاوەکانی داهاتوو پێدەدرێت، ئەگەر بەغدا مەرجەکانی هەولێر جێبەجێ نەکات، کشانەوە لە حکومەتی عێراق بژاردەیەکی بەهێز دەبێت.

باكگراوند: ئاڤا میدیا وەك یەكەم میدیای كوردستان لە دوو ڕۆژی ڕابردوودا ئاشكرای كرد كە لە بەرامبەر نەناردنی بودجە بەتەواوی و کێشە داراییەکان، هەرێمی کوردستان هەڕەشەی کشانەوە لە بەغدا دەکات و ڕۆژی شەممە سەرجەم لایەنە کوردستانییەکان بانگ دەکرێنەوە و لە هەولێر لەسەر ئەو بابەتە کۆبوونەوەیەکی چارەنووسساز دەکرێت.