عێراق هاوسۆزی خۆی بۆ کالیفۆرنیا دەردەبرێت

ئاڤا نیوز

 

وەزارەتی دەرەوەی عێراق لە بەیاننامەیەکدا هاوسۆزی خۆی عێراق بەرامبەر بە ئاگرکەوتنەوە گەورەکەی کالیفۆرنیا دەردەبڕێت کە زیانێکی زۆری ماددی و مرۆیی بەدوای خۆیدا هێناوە. 

 

وێنە گەورەکە: ڕۆژی چوارشەممە 08-01-2025، ئاگرێکی گەورە لە چیاکانی سانتا مۆنیکا لە باکووری ڕۆژئاوای شاری لۆس ئەجلۆس لە ویلایەتی کالیفۆرنیا کەوتەوە و بەهۆیەوە زیانێکی زۆری ماددی و مرۆیی بەر ئەو ناوچەیە کەوتووە.  

 

 ڕاگەیێنراوی فەرمی: وەزارەتی دەرەوەی عێراق ڕایگەیاند: هاوسۆزیی کۆماری عێراق بەرامبەر بە حکومەت و گەلی ئەمریکا دەردەبڕین بەهۆی ئاگرکەوتنەوە و  سووتانی دارستانەکانی ویلایەتی کالیفۆرنیا کە زیانی زۆری مرۆیی و ماددیی لێکەوتووەتەوە.

 

هەر لە ڕاگەیێنراوەکەدا وەزارەتی دەرەوەی عێراق پرسە و سەرخۆشی خۆی بۆ کەسوکاری قوربانییان دووپات دەکاتەوە، عێراق لەم هەلومەرجە سەختەدا لەگەڵ ئەمەریکا وەستاوە، هیوای زوو چاکبوونەوە بۆ بریندارەکانیش دەخوازین، هەروەها لە زووترین کاتدا ژیان لە ناوچە زیانلێکەوتووەکاندا ئاسایی بێتەوە.

 

ئەوەی پێویستە بیزانیت: زیانی ئاگرەکە لە نێوان 52 بۆ 57 ملیار دۆلارە و تاوەکو ئێستا 10 کەس گیانیان لەدەستداوە هاوکات نزیکەی 10 هەزار ماڵ و باڵەخانەش سووتاون و دەیان هەزار کەسیش ئاوارە بوون