دادگەی نیویۆرک: دۆناڵد ترەمپ زیندانی ناکرێت

ئاڤا نیوز

 

دادگەی نیویۆرک لەسەر دۆسیەی بەرتیلدان لەلایەن دۆناڵد ترەمپ، سەرۆکی هەڵبژێردراوی ئەمریکا بڕیاریدا و بە شێوەیەکی تاوانکاری سزای بەسەردا سەپاند، بەڵام دادوەر ڕەتیکردەوە سزای بەندکردن ترەمپ بگرێتەوە.

 

وێنە گەورەکە: دۆناڵد ترەمپ بە دۆسیەی پێدانی بەرتیل تۆمەتبار کراوە، بەوەی کە لە کۆتاییەکانی هەڵمەتی هەڵبژاردنی ساڵی 2016، ترەمپ 130 هەزار دۆلاری داوەتە ستۆرمی دانیێڵز، ئەکتەری پۆرن تاوەکو بێدەنگی بکات و باس لە پەیوەندییە سۆزدارییەکەی لەگەڵ ترەمپ نەکات کە 10 پێشتر هەیانبووە. 

 

لێدوانی فەرمی: خوان مێرشان، دادوەری دادگەییەکەی دۆناڵد ترەمپ ڕایگەیاند: دۆسیەکەی ترەمپ بەڕاستی نائاسایی بوو، پێشتر هەرگیز ئەم دادگەیە بارودۆخێکی ئاوای بەخۆیەوە نەبینووە، دەبێت دادوەر ڕاستییەکانی دۆسیەکە لەبەرچاو بگرێت و هەروەها بارودۆخی قورس و سووککەریش لەبەرچاو بگرێت.

 

بۆچوونی لایەنی بەرمبەر: دۆناڵد ترەمپ سەرۆکی هەڵبژێردراوی ئەمریکا لە میانی دادگاییکردنەکەی گوتی: ئەمە ئەزموونێکی زۆر ترسناک بوو، پێموایە ئەوە پاشەکشەیەکی گەورە بوو بۆ نیویۆرک و سیستەمی دادگەکانی نیویۆرک.

 

باکگراوند: هەرچەندە دادگە دەیتوانی سزای چوار ساڵ زیندانیکردن بەسەر دۆناڵد ترەمپ بسەپێنێت بەڵام بڕیاریدا بە شێوەیەکی تاوانکاری سزای بەسەردا بسەپێنێت و زیندانی ناکرێت.