نەوجەوانانی گرتووخانەکانی عێراق ڕووبەڕووی کاری "نامرۆڤانە" دەبنەوە

ئاڤا نیوز

 

بەگوێرەی ڕێکخراوەکانی مافی مرۆڤ و چالاکوانانی مەدەنی، گرتووخانەکانی نەوجەوانان لە عێراق ڕووبەڕووی چەندین ئاستەنگ و ئالنگاری بوونەتەوە و زیندانییان زۆرجار ڕووبەڕووی "کاری نامرۆڤانە" دەبنەوە.

 

وێنە گەورەكە: لە عێراق، 27 گرتووخانە و بەڕێوەبەرایەتیی چاكسازی هەن كە 16ـەیان سەر بە وەزارەتی دادن و سێ گرتووخانەی دیکەش سەر بە وەزارەتی ناوخۆ و دەزگا سەربازییەكانن، هەشت گرتووخانەی چاكسازیش سەر بە وەزارەتی كار و كاروباری كۆمەڵایەتین. 

 

لێدوانی تایبەت: ئەنوار داوود، مافپەروەر و چالاکوانی مافەکانی مرۆڤ بە ئاڤا میدیای گوت: جگە لە قەرەباڵغی، گرتووخانەکانی نەوجەوانان لە عێراق بەدەست کەمی خۆراک، چاودێری تەندروستی، هەلی خوێندن و مەشق و ڕاهێنان دەناڵێنن، هاوکات نەبوونی بەرنامەی چاکسازیی دەروونی و کۆمەڵایەتی وا دەکات تێکەڵبوونەوەی ناوجەوانان لەگەڵ کۆمەڵگا جارێکی دیکە قورس بێت.

 

بە وتەی ئەنوار داوود، نەوجەوانانی نێو زیندانەکان زۆرجار ڕووبەڕووی کاری "نامرۆڤانە" دەبنەوە، وەک توندوتیژی و مامەڵەی خراپ، ئەمەش ئەگەری گەڕانەوەیان بۆ ڕەفتاری تاوانکاری دوای تەواوبوونی سزاکەیان زیاتر دەکات.

 

ئەمەش بزانە: بەپێی ڕاپرسیەک، بە چەندین هۆکار نەوجەوانان دووچاری تاوانکاری دەبن لە عێراقدا، دیارترینیان هەژاری، نەبوونی ڕێنمایی و پەروەردەی دروستی خێزانیی و ململانێی چەکداری.