بایدن: پووتین لە دۆخێکی سەختدایە و کاتی هەناسەدانیشی نییە

ئاڤا نیوز

 

جۆ بایدن، سەرۆکی ئەمریکا ڕایدەگەیێنێ، ڤلادیمێر پووتین، سەرۆکی ڕووسیا لە دۆخێکی سەختدایە بەهۆی ئەو سزایانەی کە بەسەر وڵاتەکەی سەپێنراون.

 

وێنە گەورەکە: هەریەکە لە ئەمریکا و بەریتانیا سزای نوێیان بەسەر کەرتی وزەی  ڕووسیادا سەپاندووە، ئەمەش بەهۆی بەردەوامی هێرشەکانی ڕووسیا دژی ئۆکراینا.

 

لێدوانی فەرمی: جۆ بایدن، سەرۆکی ئەمریکا لە کۆشکی سپی بە ڕۆژنامەنووسانی ڕاگەیاند: ''پووتین ئێستا لە دۆخێکی سەختدایە، تەنانەت کاتی هەناسەدانیشی  نییە بۆ ئەنجامدانی ئەو کارە ترسانەکانەی کە بەردەوامە لە ئەنجامدانیان''.

 

بایدن ئاماژەی بەوەشکرد، " ئۆکراینا چانسی ئەوەی هەیە لەم جەنگە سەربکەوێت، ئەگەر پشتیووانی وڵاتانی ڕۆژئاوا بەردەوام بێت''.

 

ئەمەش بزانە: ئەم سزایانە دوایین سزان کە ئەمریکا لە ماوەی ئیدارەی بایدن بەسەر ڕووسیا بیسەپێنێت، بەهۆی بەردەوامی هێرشەکانی مۆسکۆ بۆ سەر کیێڤ.