تەیف سامی لەسەر پرسی نەوتی هەرێمی کوردستان دەچێتە پەرلەمان

ئاڤا نیوز

 

لەبارەی هاموارکردنەوەی یاسایی بودجەوە، لیژنەی دارایی ئەنجوومەنی نوێنەرانی عێراق ئەمڕۆ میوانداری لە تەیف سامی، وەزیری دارایی دەکات. 

 

بۆچی گرنگە: بە مەبەستی دەستپێکردنەوەی هەناردەی نەوتی کوردستان، بڕیارە پەرلەمانی عێراق لەدانیشتنی ڕۆژی دووشەممەی داهاتوو خوێندنەوەی دووەم بۆ هەمواری یاسای بودجە بکات.

 

زانیاریی پەیامنێر: دەروون مەلا ناجی پەیامنێری ئاڤا میدیا لەبەغدا دەڵێت: بڕیارە ئەمڕۆ تەیف سامی، کۆبوونەوەیەکی تایبەت بەهەناردەکردنی نەوتی هەرێمی کوردستان لە چوارچێوەی هەموارکردنی یاسای بودجە لەگەڵ لیژنەی دارایی ئەنجوومەنی نوێنەران بکات.

 

زانیاریی تایبەت: سەرچاوەیەک لە لیژنەی دارایی پەرلەمانی عێراق بەئاڤا نیوز ڕاگەیاند: "ئەم کۆبوونەوەیە دەبوایە پێش پشووی وەرزی یاسادانانی پەرلەمان بکرایە، بەڵام بەهۆی گەشتی بەرپرسانی باڵای وەزارەتی دارایی عیراق دواخرا بۆ کاتێکی نادیار".

 

ئەو سەرچاوەیە ئەوەشی ڕوونکردەوە، لیژنەی دارایی سەرجەم زانیارییەکانی پەیوەست بەم بابەتە کۆدەکاتەوە و دواتر پێشکەشی سەرۆکایەتیی پەرلەمانی دەکات .