لە سووریا گۆڕستانێکی بە کۆمەڵ دەدۆزرێتەوە کە تەرمی هەزاران کەسی تێدایە

ئاڤا نیوز

 

هێزە ئەمنییەکانی سووریا، گۆڕستانێکی بەکۆمەڵ لە شارۆچکەی خان عەسەل لە دەورووبەری شاری حەلەب دەدۆزنەوە کە بە هەزاران تەرمی تێدا بووە و مێژووەکەی بۆ سەردەمی دەسەڵاتی بەشار ئەسەد دەگەڕێتەوە.

 

وێنە گەورەکە: لە ساڵی 2012ەوە و دوای دەستپێکردنی شۆڕش دژی دەسەڵاتی بەشار ئەسەد و دواتر بەرپابوونی جەنگی ناوخۆ لە سووریا، هێزە ئەمنییەکانی سووریا گرتووخانەکانی ئەو وڵاتەی پڕکردبوو لە خەڵکی بێتاوان و بە هەزاران کەسیش بەهۆی برسییەتی و ئەشکەنجەدانەوە گیانیان لەدەستداوە و لە گۆڕی بە کۆمەڵدا شاردراونەتەوە. 

 

زانیاریی بەدەستهاتوو: تاوەکو ئێستا پێنج گۆڕی بە کۆمەڵ لە شاری حەلەب دۆزراونەتەوە، یەکێکیان لە شارۆچکەی خان عەسەلە و 20 هەزار تەرمی تێدا بووە. 

 

زانیاریی زیاتر: لە یەکێکی تر لە گۆڕستانەکانی حەلەبی نوێ تەرمی حەوت هەزار کەس دۆزراوەتەوە، هاوکات لە گۆڕستانی نەقیرەین نزیکەی هەزار و 500 تەرمی دیکە دۆزراونەتەوە کە مێژووی ناشتنەکەیان دەگەرێتەوە بۆ سێ مانگ بەر لە ئێستا دەگەڕێتەوە کە کۆتا ناشتنی تێدا کراوە.

 

ئەوەی پێویستە بیزانیت: دوای دۆزینەوەی گۆڕەکان ئێستا پاسەوانیان بۆ دابینکراوە تاوەکو لیژنەیەکی نیودەوڵەتیی بێن بۆ پڕۆسەی پشکنین و ناسینەوەی تەرمەکان.