شاخەوان عەبدوڵڵا: نابێ ئەو سیناریۆیەی ساڵی ڕابردوو بۆ مووچە ڕوویدا ئەمساڵیش دووبارە ببێتەوە

ئاڤا نیوز

 

جێگری سەرۆکی پەرلەمانی عێراق ڕایدەگەیێنێ، ئەمڕۆ لەگەڵ سەرۆک فراکسیۆنەکانی پەرلەمانی عێراق کۆبوونەتەوە بۆ ئەوەی هەڵوێستی هەمووان یەک بێت.

 

وێنە گەورەکە: ڕۆژی شەممە 11ـی 1ـی 2025 لە هەولێر کۆبوونەوەی نائاسایی ئەنجومەنی وەزیران بەڕێوە چوو، بڕیاردرا پەیامێک ئاڕاستەی حکومەتی عێراق و هاوپەیمانی بەڕێوەبردنی دەوڵەت بکرێت.

 

لێدوانی فەرمی: شاخەوان عەبدوڵڵا، جێگری سەرۆکی پەرلەمانی عێراق لە کۆنفراسێکی ڕۆژنامەوانی ڕایگەیاند، کۆبوونەوەکەی ئەمڕۆ بۆ ئەوە بوو لەگەڵ سەرۆک فراکسیۆنەکان هەڵوێستمان یەک بخەین و بڕیاری هاوبەش بدەین بۆ مووچەی مانگی 12 و بۆ ئەوەی سیناریۆی ساڵی ڕابردوو، ئەمساڵیش دووبارە نەبێتەوە. 

 

زانیاریی زیاتر: شاخەوان عەبدوڵڵا لەبارەی کۆبوونەوەکەی ئیدارەی دەوڵەت گوتی: لە کۆبوونەوەکەی ئەمڕۆی هاوپەیمانی بەڕێوەبردنی دەوڵەت، پەیامی کۆبوونەوەکەی دوێنێیان پێدەگات.

 

لەلایەکی دیکە:  سەبارەت بە مووچەی مانگی 12، جێگری سەرۆکی پەرلەمانی عێراق ئاماژەی بۆ ئەوەکرد، ماڵپەڕی وەزارەتی دارایی عێراق بڵاویکردوەتەوە، ئەوان [ حکومەتی عێراق] 10 تریلیۆن دیناریان ناردووە، لەکاتێکدا پارەی مووچەی فەرمانبەرانی هەرێمی کوردستان 12 تریلیۆنە.