هێڵی گەرمی تۆمارکردنی سەرپێچییە ژینگەییەکان کاراکرا

ئاڤا نیوز

 

فەرمانگەی ژینگەی هەولێر، سێ ژمارە تەلەفۆنی بڵاوکردەوەتەوە و داوا لە هاونیشتمانییان دەکات لە هەر کوێ سەرپێچی ژینگەییان بینی لە ڕێگەی ئەو ژمارانەوە پەیوەندی بکەن.

 

وێنە گەورەکە: دوای کۆبوونەوەکەی سەرۆکوەزیران مەسرور بارزانی، لەگەڵ بەرپرسانی کارگێڕی و ژینگەیی هەردوو پارێزگای هەولێر و دهۆک، بەدواداچوون بۆ سەرپێچییە ژینگەییەکان کاراتر کراون.

 

لێدوانی فەرمی: دڵشاد هیرانی، بەڕێوەبەری گشتیی فەرمانگەی ژینگەی هەولێر بە ئاڤا میدیای وت، لە کۆبوونەوەکەی ڕۆژی 12-1، پارێزگاری هەولێر چەند بڕیارێکیدا، یەکێک لە بڕیارەکان دانانی سێ ژمارە تەلەفونە بۆ سەرپێچییە ژینگەییەکان، ئەگەر هاونیشتمانییان هەر سەرپێچییەکیان بینی دەتوانن ئاگادارمان بکەنەوە.

 

زانیاریی زیاتر: "هێڵە گەرمەکە 24 کاتژمێر بەردەستە و هەر سەرپێچییەک هەبێت لیژنەکانی ژینگە بە زووترین کات دەگەنە شوێنەکە". دڵشاد هیرانی وا دەڵێت.

 

ئەوەی پێویستە بیزانیت: ئەو ژمارە تەلەفۆنانەی فەرمانگەی ژینگەی هەولێر کارای کردوون ئەمانەن:
07501859805
07501859808
07831239606