سێ قوتابی بەهۆی ساختەکردنی بەڵگەنامەکانیان لە کۆلێژی پۆلیسی بەغدا دەردەکرێن

ئاڤا نیوز

 

دوای تەواوکردنی خولی 69 لە کۆلێژی پۆلیس لە بەغدا، سێ قوتابی کۆلێژەکە دوای ئەوەی دەردەکەوێت ئەو بەڵگە ئەکادیمیانەی پێشکەشیان کردووە ساختەیە، دەردەکرێن.

 

ڕاگەیێنراوی فەرمی: وەزارەتی ناوخۆی عێراق لە ڕاگەیەندراوێکدا ئاماژەی بەوەدا، "بەپێی ئەو لێکۆڵینەوانەی بە هاوکاری لەگەڵ وەزارەتی پەروەردە کراوە، ئەوە پشتڕاست دەکەنەوە کە ئەو بەڵگەنامانەی لەلایەن ئەو قوتابییانەوە پێشکەش کراون، ساختە بوون. لەسەر ئەمەش ڕێوشوێنی یاسایی لە بەرامبەریان گیراوەتەبەر، لەوانە دەرکردنیان و کردنەوەی دۆسیەی تاوان لە دژیان.

 

• بە گوێرەی وەزارەتی ناوخۆ "ئەو بەڵگەنامە ساختانەی کە لەلایەن ئەو قوتابیانەوە پێشکەش کراوە بارکۆدیان لەسەر نەبووە، ئەوکاتەش سیستمی پشتڕاستی دەرچوونی بەڵگەنامەکان بەبێ ئەو بارکۆدانە کاری کردووە، بەڵام لە سەرەتای ساڵی 2024وە ئەو سیستمە بۆ دڵنیابوون لە سەلماندنی بەڵگەنامەکان دامەزرا.
•  

ئەوەی پێویستە بیزانیت: هەفتەی ڕابردوو ئاهەنگی دەرچووانی خولی 69ی پۆلیس لە بەغدا بەڕێوەچوو، قوتابییانی ئەم خولە ساڵی 2022 دەستیان بە خولەکە کردبوو.