پەرلەمان 9 مانگی ماوە کەچی بە بەهای 54 ملیار دینار ئۆتۆمبێڵ دەکڕێت

ئاڤا نیوز

 

لە کاتێکدا خولی ئێستای پەرلەمانی عێراق کەمتر لە 9 مانگی ماوە، سەرۆکایەتی پەرلەمان 54 ملیار دینار تەرخان دەکات بۆ کڕینی ئۆتۆمبێڵی نوێی گران بەها .

 

لێدوانی فەرمی: وائیل عەبدولەتیف سیاسەتمەدار و ئەندامی پێشووتری پەرلەمانی عێراق ڕایگەیاند: بەپێی بەڵگەنامەیەک سەرۆکایەتی پەرلەمانی عێراق 54 ملیار دیناری تەرخان کردووە بۆ کڕینی ئۆتۆمبێڵی نوێ ، کە نرخی هەریەکەیان نزیکەی 120 هەزار دۆلارە.

 

ئەمەش بزانە: بەپێی یاسا تەمەنی ئەم خولەی پەرلەمانی عێراق لە تشرینی یەکەمی ئەمساڵ کۆتایی دێت و سێ ڕۆژیش پێش ئەو وادەیە پێویستە خۆی هەڵبوەشێنێتەوە .