پاسەوانی سنوور:  لەگەڵ "هەسەدە" گرژی ڕووینەداوە

ئاڤا نیوز 

 

وەزارەتی ناوخۆی عێراق پێکدادان لەگەڵ هەسەدە لەسەر سنووری نێوان عێراق و سووریا ڕەتدەکاتەوە و دەڵێت، "چەند چەکدارێکی هەسەدە بەڕێککەوتن گەڕیندرانەوە نێو خاکی خۆیان". 

 

چیرۆكی سه‌ره‌كی: بەرەبەیانی ئەمڕۆ بەشێک لە میدیا عێراقییەکان بانگەشەی شەڕ و پێکدادانیان لە نێوان هەسەدە و سوپای عێراق لە دیوی سنووری عێراق کرد، دوای ماوەیەکی کەم حکومەت هاتە سەرهێڵ و ئەو دەنگۆیانەی ڕەت کردەوە. 

 

ڕاگه‌یێنراوی فه‌رمی: فەرماندەی هێزەکانی پاسەوانانی سنوور ڕایگەیاند: دوای ئەوەی هێزێکی چەکدارێکی سووریای دیموکرات "هەسەدە" لە خاڵێکی سنووری نێو خاکی عێراق جێگیربون لەلایەن فەرماندەیی هێزە سنوورییەکانی عێراق بەڕێککەوتن گەڕیندرانەوە نێو خاکی خۆیان و ئەو دەنگۆیانەشی باس لە ڕووبەڕووبونەوەی چەکداری دەکەن دورن لەڕاستییەوە.

 

ئاماژەی بەوەشکرد، دۆخی سنوورەکان نێوان عێراق و سووریا سەقامگیرە و ئاساییشی ناوچەکەش لە بەرزترین ئاستدایە.