سوودانی: عێراق ڕێگە بە دەستوەردانی دەرەکی لەکاروباری ناوخۆییدا نادات
- عێراق
- 15 کانوونی دووەم

سەرۆکوەزیران محەممەد شیاع سوودانی و کییر ستارمەر، سەرۆکوەزیرانی بەریتانیا، وێنە: نووسینگەی سەرۆکوەزیران
ئاڤا نیوز
سەرۆکوەزیرانی عێراق دەڵێت، عێراق ڕێگە بە دەستوەردانی دەرەکی نادات لە کاروباری ناوخۆیی وڵاتەکەیدا، جەختیش دەکاتەوە کە بەغدا لە یەککاتدا پەیوەندییەکی باشی لەگەڵ واشنتن و تارانیش هەیە.
ئەوەی پێویستە بیزانیت: دوێنێ هەردوو سەرۆکوەزیرانی عێراق و بەریتانیا لە لەندەن کۆبوونەوە و واژۆیان لەسەر 13 گرێبەستی بازرگانی کرد بە بەهای نزیکەی 15 ملیار دۆلار، بڕیاریشیان دا بەغدا و لەندەن لەبوارەکانی کۆچبەران، ژینگە، ئابووری، بەهێزکردنی ڕۆڵی ژنان و دەیان بواری دیکە هاوکاری یەکتر بکەن.
لێدوانی فەرمی: محەممەد شیاع سوودانی، سەرۆکوەزیرانی عێراق لە چاوپێککەوتنێکدا لەگەڵ کەناڵی بی بی سی بەریتانی ئاماژەی بەوەش کردووە، لە ماوەی ڕابردوودا عێراق سیاسەتێکی سەربەخۆ و هاوسەنگی لەسەر بنەمای بەرژەوەندییە باڵاکانی وڵات پەیڕەو کردووە، بۆ دۆخی ناوچەکەش بە پێویستی دەزانن پەنا بۆ دیالۆگ و چارەسەری ئاشتیانە ببرێت.
بەشێک لە قسەکانی سوودانی بۆ کەناڵی بی بی سی:
- ئێمە ڕێز لە خواستی گەلی سووریا دەگرین بۆ دیاریکردنی چارەنووسی خۆیان، هەروەها دەبێت ڕێز لە مافی هەموو سوورییەکان بگیرێت.
- شاندێکمان نارد بۆ سووریا چونکە دۆسیەی ئەمنی زۆر گرنگە، بەهۆی بوونی مەترسییەکانی داعش لەو ناوچانەی کە لەژێر کۆنتڕۆڵی ئیدارەی نوێی سووریادا نین.
- بوونی سەربازی زیاتر لە وڵاتێک لە سووریا هەیە و ئێمە دژی هەر دەستوەردانێکی دەرەکین لە کاروباری ناوخۆیی هەر وڵاتێکی عەرەبی.
- پەیوەندییەکی باشمان لەگەڵ وڵاتانی ناوچەکە و لەسەر ئاستی نێودەوڵەتیش هەیە، ئێران وڵاتێکی دراوسێیە و هاوبەشی و هاوکاری زۆرمان لەگەڵیدا هەیە، هەروەها لەگەڵ سعودیە و ئوردن و میسر هەماهەنگیمان هەیە.
- عێراق پەیوەندییەکی باشی لەگەڵ ئەمریکا و ئێران هەیە، ئەمەش سوودێکە بۆ عێراق، ئێمە بەشدار دەبین لە نزیککردنەوەی تێڕوانینی وڵاتانی ناوچەکە.
- پەیوەندیمان لەگەڵ ئەمریکا دامەزراوەیی و ستراتیژییە، ڕێککەوتنی چوارچێوەی ستراتیژی کۆماندەکاتەوە.
- عێراق سەربەخۆیە لە بڕیارەکانی، هیچ کاریگەرییەک نییە لەسەر بڕیارەکانمان، عێراق ڕێگەش نادات دەستوەردان لە کاروباری ناوخۆییدا بکرێت.
- ماوەی دوو ساڵە، حکومەتەکەمان کار بۆ بوونیادنانی دامەزراوەکانی دەوڵەت و دامەزراندنی پەیوەندییەکانی دەرەوە دەکات، لەسەر بنەمای ڕێزی هاوبەش و دەستوەرنەدان لە کاروباری ناوخۆ.
- پڕۆژەی ڕێگای گەشەپێدان بۆ سەرجەم وڵاتانی ناوچەکە پێشنیازکراوە، کاریگەری لەسەر وڵاتانی دیکە نابێت و باوەڕمان بە هاوبەشی ئابووری هەیە.
- حکومەتەکەمان سەرکەوتوو بووە لە بەرزکردنەوەی ڕێژەی وەبەرهێنانی ئەو غازەی لە کاتی بەرهەمهێنانی نەوت (غازی هاوەڵ) دەسووتێت و 67% ی ئەو غازە بۆ وزە دەگۆڕدرێت و بەفیڕۆناچێت، بەرنامەشمان هەیە لە ساڵی 2028 ڕێژەکە بکەینە 0%، ئەویش دوای تەواوکردنی پڕۆژەکانی پەیوەست بەم بابەتە.
- هەر لەیەکەم ڕۆژی پێکهێنانی حکومەتەوە ئامانجمان گەڕاندنەوەی متمانەی هاووڵاتییان بووە بەدامودەزگاکانی دەوڵەت، پابەندین بەجێبەجێکردنی بەرنامەی حکومەت لەهەموو بڕگەکانیدا.
دوایین هەواڵەکان
- عێراق
- 4 کاتژمێر لەمەوپێش
حکومەتی عێراق بڕیاری کەمکردنەوەی دەوامی فەرمانبەران دەردەکات
- کوردستان
- 4 کاتژمێر لەمەوپێش
"هەسەدە" بانگهشتی ئەحمەد شەرع بۆ ڕۆژئاوی کوردستان دەکات
- کوردستان
- 5 کاتژمێر لەمەوپێش
شاندی ئیمرالی لەگەڵ سەرۆكوەزیران مەسرور بارزانی كۆدەبنەوە
هەڵبژاردەکان بۆ تۆ
لە ئەزهەری کوردستان 53 فەقێ مۆڵەتی مەلایەتییان وەرگرت
6 کاتژمێر لەمەوپێش
وەزیری كارەبا: تا ساڵی 2026 تەواوی هەرێمی کوردستان دەبێتە خاوەنی کارەبای 24 کاتژمێری
17 شوبات
دوو هاوسەر لە هێرشی "ڕەوە گورگێک" لە گۆمی فيڵاو ڕزگار دەکرێن
16 شوبات
48 کوڕ و کچی کارمەندی دەرمانخانەیەکی هەولێر ژیانی هاوسەرگیری پێکدەهێنن
16 شوبات
پۆڵەندا لە پێشەنگی وڵاتانی جیهاندایە بۆ کڕینی زێر
16 شوبات
- عێراق
- 4 کاتژمێر لەمەوپێش
حکومەتی عێراق بڕیاری کەمکردنەوەی دەوامی فەرمانبەران دەردەکات
- عێراق
- 12 کاتژمێر لەمەوپێش
موقتەدا سەدر داوای سەرکردەکانی گرووپی "قوربان" لە ئێران دەکات
- عێراق
- 15 کاتژمێر لەمەوپێش
دادگای باڵای فیدراڵی عێراق وەڵامی چوار سکاڵای سەرۆککۆماری عێراق دەداتەوە
- عێراق
- 16 کاتژمێر لەمەوپێش
وەزارەتی دارایی عێراق: دەست بەدابەشکردنی مووچەی مانگی دوو دەکرێت