نەتانیاهۆ هۆشداریی لە دەستپێکردنەوە شەڕی غەززە دەدات

ئاڤا نیوز

 

سەرۆکوەزیرانی ئیسرائیل هۆشداریی دەدات لە دووبارە دەستپێکردنەوە شەڕ لە کەرتی غەززە لە ئەگەری جێبەجێ نەکردنی قۆناغی دووەمی ڕێککەوتنەکە کە ئاڵوگۆڕی دیل و ئازادکردنی زیدانییەکان دەگرێتەوە.

 

وێنە گەورەکە: بە گوێرەی ڕێککەوتنەکەی نێوان حەماس و ئیسرائیل، لە ڕۆژی یەکشەممەوە و قۆناغی دووەمی ڕێککەوتنەکە دەچێتە بواری جێبەجێکردنەوە و بۆ ماوەی 42 ڕۆژ بەردەوام دەبێت، هاوکات لەو قۆناغەدا سوپا لە غەززە دەکشێتەوە و 33 بارمتەی ئیسرائیلی لە بەرامبەر ژمارێک لە زیندانی فەلەستی ئازاد دەکرێن.

 

لێدوانی فەرمی: نەتانیاهۆ لە کۆبوونەوەی کابینەی ئەمنی حکومەتەکەی ڕایگەیاند: ئێمە دڵنیایمان لە سەرۆک بایدن و ترەمپ وەرگرتووە کە ئەگەر دانووستانەکان لە قۆناغی دووەم شکست بهێنن و ئەگەر حەماس داواکارییە ئەمنییەکانمان قبوڵ نەکات، ئەوا دەگەڕێینەوە بۆ شەڕێکی چڕ بە پاڵپشتی ئەمریکا.

 

باکگراوند: ڕۆی چوارشەممە دوای ساڵێک و سێ مانگ لە هەڵگیرسانی شەڕ لە غەززە، بە نێوەندگیری ئەمریکا و میسر و قەتەر دوای چەندین مانگ گفتوگۆ حەماس و ئیسرائیل گەیشتنە ڕێککەوتن، ڕێککەوتنە سێ قۆناغ لەخۆدەگرێت، هەر قۆناغێکیش 42 ڕۆژ دەخایەنێت.