مەهێڵە چیتر فەیسبووک و ئینستاگرام زانیارییەکانت ببەن

ئاڤا نیوز

 

شارەزایەکی تەکنەلۆژیا ڕێگایەک ئاشکرا دەکات کە دەرفەت بە بەکارهێنەرانی فەیسبووک و ئینستاگرام دەدات، ڕێگری بکەن لە کۆکردنەوەی زانیارییە کەسییەکانیان.

 

وێنە گەورەکە: تۆڕە کۆمەڵایەتییەکانی وەک فەیسبووک و ئینستاگرام، زانیاری دەربارەی چالاکیی بەکارهێنەران کۆدەکەنەوە و لەگەل کۆمپانیاکانی تر هاوبەشی پێدەکەن بە مەبەستی کاری بازرگانی، ئەمەش ناڕەزایەتیی بەکارهێنەرانی لێ دەکەوێتەوە.

 

لێدوانی فەرمی:  میلانیا جۆی، شارەزای تەکنەلۆژیا، لە گرتەیەکی ڤیدیۆییدا، ڕێگەیەک ئاشکرا دەکات بۆ وەستاندنی کۆکردنەوەی زانیارییەکان کە بەم شێوەیەیە:

 

-    Setting & Privacy
-    Account Center 
-    Your information and permissions
-    Your activity of Meta technologies
-    Manage future activity
-    Disconnect future activity

زانیاریی زیاتر: سەرەڕای وەستاندنی کۆکردنەوەی زانیارییەکان، بەکارهێنەران هێشتا ڕێکلامەکان لە فەیسبووک و ئینستاگرام دەبینن، بەڵام کەمتر، بۆیە ئەو شارەزایە دەڵێت کرداری وەستاندنەکە 48 کاتژمێر دەخایەنێت.

 

ئەوەی پێویستە بیزانیت: زۆر جار بەکارهێنەر لە فەیسبووک و ئینستاگرام، خودکارانە ڕێکلامی کاڵا و کەل و پەلە دڵخوازەکانی دێتە بەرچاو، لە کاتێکدا هیچ گەڕانێکی بۆ نەکردوون، ئەو دوو پلاتفۆڕمە زانیارییە کەسییەکانی وەک، سەردانکردن، هاوبەشیکردن، بە دڵ بوون و شوێن، دەفرۆشێتەوە کۆمپانیاکانی تر، بۆیە بەردەوام بێ ئاگاداری بەکارهێنەر ڕێکلامی کاڵا دلخوازەکانی دێنە بەرچاو.