ئیدارەی دەوڵەت بۆ سوننە: داواکارییەکانتان بەپێی یاسا و دەستوور جێبەجێ دەکرێن

ئاڤا نیوز

 

هاوپەیمانیی ئیدارەی دەوڵەت وەڵامی نامەکەی هاوپەیمانی سەرکردایەتیی یەکگرتووی سوننەی دایەوە و دەڵێت "داواکارییەکانتان لە ڕێگایە بۆ جێبەجێکردن بەپێی یاسا و دەستوور".

 

چیرۆكه‌ سه‌ره‌كیه‌كه‌: لە بەیاننامەکەیدا، هاوپەیمانی سەرکردایەتیی یەکگرتووی سوننە داوا لە هاوپەیمانیی ئیدارەی دەوڵەت دەکات پەلە بکەن بۆ جێبەجێکردنی چەند خاڵێکی سەرەکی ڕێککەوتنە سیاسییەکەی نێوان لایەنەکانی حکومەتی ئێستای عێراق.

 

ڕاگەیێنراوی فەرمی: هاوپەیمانیی ئیدارەی دەوڵەت لە بەیاننامەیەکدا کە ئاڕاستەی لایەنە سوننەکانی کردبوو، ڕایگەیاند: ئێمە سوورین لەسەر جێبەجێکردنی وەرەقەی ڕێککەوتنی سیاسی و بەرنامەی حکومەت، هاوکات لە ماوەی دستبەکاربوونی حکومەتەکەی سوودانییەوە تاوەکو ئێستا 76% ڕێککەوتنەکان جێبەجێکراون. 

 

زانیاریی زیاتر: هاوپەیمانیی ئیدارەی دەوڵەت داوای لە سەرۆکایەتی پەرلەمان و سەرجەم ئەندامانی خۆی کرد، بەرپرسیارێتی خۆیان بەرامبەر پرسە هەڵپەسێردراوەکان هەڵگرن.

 

ئەمەش بزانە: هاوپەیمانیی ئیدارەی دەوڵەت سەرجەم ئەو لایەنە سیاسییانە لەخۆدەگرێت کە بەژدارن لە حکومەتی ئێستای عێراق، سەرکردایەتیی یەکگرتووی سوننەش هاوپەیمانیەکە لەنێوان چەند لایەنێکی عەرەبی سوننە، وەک مەحموود مەشهەدانی و خەمیس خەنجەر و موسەننا سامەڕایی.