یونسێف: ڕۆژانە 35 منداڵ لە جەنگی غەززە دەکوژران

ئاڤا نیوز

 

سندووقی منداڵانی نەتەوەیەکگرتووەکان 'یونیسێف' ڕایدەگەیێنێ، بەهۆی هێرشە بەردەوامەکانی ئیسرائیل بۆ سەر کەرتی غەززە ڕۆژانە 35 منداڵ بەهۆی هێرشەکانەوە دەکوژران.

 

وێنە گەورەکە: بۆ ماوەی ساڵێک و سێ مانگ شەڕ لە غەززە هەڵگیرسا، بە نێوەندگیریی ئەمریکا و میسر و قەتەر دوای چەندین مانگ گفتوگۆ حەماس و ئیسرائیل گەیشتوونەتە ڕێککەوتن، ڕێککەوتنە سێ قۆناغ لەخۆدەگرێت، هەر قۆناغێکیش 42 ڕۆژ دەخایەنێت. 

 

ڕاگەیێنراوی فەرمی: جەیمس ئەلدەر، وتەبێژی یونیسێف ڕایگەیاند، ئامارە تەندروستییەکان دەریدەخەن، '' لە 7 ئۆکتۆبەری ساڵی 2023 تاوەکو ئێستا نزیکەی 15 هەزار منداڵ کوژراون، ئەمەش بە واتای ئەوە دێت لە هەر ڕۆژێکدا 35 منداڵ کوژراون.'' 

 

ئەوەی پێویستە بیزانیت: ئامارەکانی تەندروستیی غەززە دەریدەخەن، لە ماوەی 15 مانگی شەڕ زیاتر لە زیاتر لە 46 هەزار فەلەستینی کوژراون لەگەڵ برینداربوونی زیاتر لە 110 هەزار کەسی دیکە.