توێژینەوەیەک: بەخێوکردنی منداڵی کچ بەراورد بە کوڕ ئاسانترە

ئاڤا نیوز

 

بەگوێرەی توێژینەویەکی نوێ، بەخێوکردنی منداڵی کچ لەلایەن دایک و باوکەوە بەراورد بە کوڕ ئاسانترە.

 

بڵاوکراوەی فەرمی: توێژینەوەیەک کە لە زانکۆی بریگام یۆنگ لە ئەمریکا ئەنجامدراوە تیایدا دەرکەوتووە، دایکان و باوکان منداڵی کچ بە باشتر دەزانن، ئەمەش پێچەوانەی ئەو باوەڕە باوەیە کە پێیوایە باوک کوڕیان پێ باشترە و دایکانیش کچ، ئەمەش بە هەڵسەنگاندنی چەند پێوەرێکی دەروونی پشتڕاستکراوەتەوە.

 

لێدوانی فەرمی: دکتۆر ئەلێکساندەر جێنسن، نووسەری سەرەکی توێژینەوەکە دەڵێت: دایک و باوکان جیاوازی لەنێوان منداڵەکانیان ناکەن و هەردوو ڕەگەزیان بە ڕادەیەکی بەرز خۆشدەوێت بەڵام چەند تایبەتمەندییەک هەن کە وادەکات یەکێک لە یەکێکی دیکە باشتربێت لای دایک و باوک، لەوانەش بوون بە منداڵێکی ژیر و گوێڕایەڵ، کەمخەرجی و بەدەستهێنانی ئاستێکی بەرز لە خوێندن.

 

ئەوەی لەبارەیەوە دەگوترێت: توێژینەوەکە دەڵێت، لەوانەیە پەروەردەکردنی کچان ئاسانتر بێت بەراورد بە کوڕان، هاوکات ئەو منداڵانەی کە خاوەنی تایبەتمەندی کەسیین وەک هەستکردن بە بەرپرسیارێتیی سەرکەوتن لە خوێندن زیاتر لەلایەن دایک و باوکانەوە باشترن.