سووریا هاوردەكردنی كاڵا لە ئێران و ئیسرائیل و ڕووسیا قەدەغە دەكات

ئاڤا نیوز

 

ئیدارەی نوێی سووریا بڕیار دەدات هاوردەكردنی كاڵای بەرهەمهێنراو لە ئێران، ئیسرائیل و ڕووسیا قەدەغە بكات.

 

وێنە گەورەكە: لە سەردەمی حكومڕانی ئەسەد، هەریەك لە ئێران و ڕووسیا دەستوەردانی ڕاستەوخۆیان لە كاروباری ناوخۆی سووریا دەكرد، لەگەڵ هاتنەكایەی سیستەمێكی نوێ لەو وڵاتە، ئاڕاستەی سیاسی و ئابووری و حكومڕانیی سووریا بەتەواوی گۆڕانكاری بەسەردا هاتووە و ئیدارەی نوێ مەبەستیەتی ڕۆڵی ئەو وڵاتانە بە تەواوی بنبڕ بكات كە پێشتر ڕۆڵێكی نەرێنییان لە تێكچوونی دۆخی ناوخۆی سووریا هەبوو.

 

ڕاگەیێنراوی فەرمی: ڕۆژنامەی ئارمان ئیمروزی فارسی بەپشتبەستن بە چەند سەرچاوەیەكی حكومی ڕایگەیاندووە، حکومەتی نوێی سووریا، فەرمانێکی بڵاوکردووەتەوە و تێیدا هاوردەكردنی کاڵای بەرهەمهێنراوی وڵاتانی ئێران، ئیسرائیل و ڕووسیا بۆ ناوخۆی سووریا قەدەغە دەکات.

 

زانیاریی زیاتر: بەپێی ڕۆژنامەكە، ئەم بڕیارە سنووردارکردنی هاتنی هاووڵاتییانی ئێرانی و ئیسرائیلیش بۆ ناو سوریا دەگرێتەوە.