دوو دادوەری دادگای باڵای ئێران کوژران

ئاڤا نیوز

 

لە تارانی پایتەختی ئێران تەقە لە سێ دادوەری باڵا دەکرێت و بەهۆیەوە دووانیان گیان لەدەست دەدەن و یەکێکی دیکەشیان بریندار دەبێت، دوا بەدوای ئەوە تەقەکەرەکەش خۆی کوشتووە. 

 

ڕاگەیێنراوی فەرمی: ناوەندی ڕاگەیاندنی دەسەڵاتی دادوەری سەبارەت بە ڕووداوەکە ڕایگەیاند: بەرەبەیانی ئەمڕۆ چەکدارێک لە دادگای باڵا ‌هێرشی کردووەتە سەر دوو دادوەری ئازا و بەئەزموون.

 

لەلایەکی دیکەوە: ماڵپەڕی میزان ئۆنلاین باسی لەوە کردووە، سێ دادوەری دادگای باڵا کراونەتە ئامانج، دوو کەسیان کوژراون و یەکێکیان برینداربووە، هێرشبەرەکەش خۆی کوشتووە.

 

زانیاریی زیاتر: هەریەک لە حوجەتولئیسلام عەلی ڕازینی، بەرپرسی لقی 39 و دادوەر محەممەد موقیسە، بەرپرسی لقی 53ی دادگای باڵا لە هێرشەکەدا کرانە ئامانج و کوژراون.