لە تورکیا 47 کەس بە تۆمەتی ئەندام بوون گولەنەکان دەستگیرکران

ئاڤا نیوز

 

لە ئۆپەراسیۆنێکی وەزارەتی ناوخۆی تورکیا لە 23 پارێزگای ئەو وڵاتە، 47 کەس کە گومانیان لێدەکرێت کار بۆ ڕێکخراوی گولەنەکان بکەن دەستگیرکران.

 

ڕاگەیێنراوی فەرمی: عەلی یەرلیکایە، وەزیری ناوەخۆی تورکیا ڕایگەیاند، ئۆپەراسیۆنی"کسکاچ-35" بۆ دەستگیرکردنی ئەندامانی سەر بە گرووپی فەتحوڵڵا گولەن بەردەوامە، لەو چوارچێوەیەدا ماوەی دوو هەفتەیە لە 23 پارێزگای تورکیا 47 گومانلێکراو دەستگیرکراون.

 

زانیاریی زیاتر: ئەو 47 کەسە بە تۆمەتەکانی: ئەنجامدانی چالاکی لەنێو گرووپەکە، پاراستنی سەرچاوەی دارایی بۆیان، بڵاوکردنەوەی بانگەشە بۆ گولەنەکان لە پلاتفۆڕمەکانی سۆشیاڵ میدیا و ڕاکێشانی خەڵکی بۆ ناو گرووپەکە تۆمەتبارن.

 
باکگرواند: گرووپی گولەنەکان، ڕێکخراوێکی سەر بە فەتحوڵڵا گیولەنە کە بە "ئیسلامی و ئەهلی جەماعەت" ناسراون، لە تەممووزی ساڵی 2016 لەلایەن دەسەڵاتدارنی تورکیا بە ئەنجامدانی کودەتای سەربازی تۆمەتبارکران.