ماوەی 12 ساڵە شوقەکانی کرێنشینانی خەبات تەواو نەکراوە

ئاڤا نیوز

ماوەی 12 ساڵە وەزارەتی ئاوەدانکردنەوە 400 شوقەی بەناوی کرێنشینان و کەمدەرامەتان لە گوندی گردەڕەشەی زاب لە سنووری قەزای خەبات دروستکرد، بەڵام بە نەبوونی بوودجەی پێویست کارەکانی ڕاگیرا و تا ئێستا تەواو نەکراوە.


وێنە گەورەکە: ساڵی 2013، وەزارەتی ئاوەدانکردنەوەی حکومەتی هەرێمی کوردستان 400 شوقەی بەناوی کرێنشینان و کەمدەرامەتان لە گوندی گردەڕەشەی زاب لە سنووری قەزای خەبات دروستکرد، بەڵام لەبەر نەبوونی بودجەی پێویست کارەکانی ڕاگیرا، شوقەکان لە 75%ی تەواوکرا، نزیکەی ١٢ ساڵە کرێنشینانی سنووری قەزای خەبات چاوەڕێی تەواو بوونی شوقەکانن.

لێدوانی فەرمی: کوێستان ئەحمەد، قایمقامی قەزای خەبات، بە ئاڤا میدیای ڕاگەیاند:

- چەندین جار سەرووی خۆمان بە نووسراو ئاگادارکردووەتەوە، بەڵام لەبەر نەبوونی بودجەی پێویست نەتوانراوە تەواو بکرێت.

- هەرکات بوودجەی پێویست هەبێت تەواوی دەکەین و بە پێی ڕێنماییەکان بەسەر کرێچیان دابەشدەکرێت.
 
زانیاریی تایبەت: بەپێی بەدواداچوونی ئاڤا میدیا، شوقەکانی خەبات نزیکەی 15 باڵەخانە دەبێت کە دەکاتە 400 یەکەی نیشتەجێبوون، ڕێژەیەکی کەمی ماوە تەواو بکرێت کە کۆنکرێت و جادە و هەندێک خزمەتگوزاریی دیکەن.