پەرلەمانی عێراق لەبارەی هەموارکردنەوەی یاسای بودجە کۆدەبێتەوە

ئاڤا نیوز

 

بڕیارە ئەمڕۆ یەکشەممە پەرلەمانی عێراق لەبارەی دەنگدان لەسەر هەمواری یەکەمی یاسای بودجەی ساڵی 2025، کە پەیوەستە بە هەناردەکردنەوەی نەوتی هەرێمی کوردستانەوە کۆببێتەوە.

 

ئەوەی پێویستە بیزانیت: لە هەفتەی ڕابردوو پەرلەمانی عێراق بڕگەی (ج) مادەی 12ـی یاساکەی هەموارکردەوە و بەگوێرەی هەموارەکە، تێچووی بەرهەمهێنان و گواستنەوەی نەوتی کوردستان لە 6 دۆلارەوە بۆ 16 دۆلار زیاد دەکرێت.

 

کارنامەی دانیشتنی ئەمڕۆ:

یەکەم: دەنگدان لەسەر پڕۆژەیاسای دەزگای هەواڵگریی نیشتمانیی.

دووەم: دەنگدان لەسەر هەمواری پرۆژەیاسای بودجە.

سێیەم: دەنگدان لەسەر هەمواری چوارەمی یاسای وەبەرهێنان.

چوارەم: دەنگدان لەسەر پێشنیازە یاسای سەندیکای پرۆگرامسازانی عێراق.

پێنجەم: دەنگدان لەسەر پێشنیازەیاسای هەمواری یەکەمی بنەماکانی هاوتاکردنی بڕوانامە و پلەی زانستی.

شەشەم: خوێندنەوەی یەکەم بۆ پرۆژەیاسای ڕێکخستنی کرێی خزمەتگوزارییەکان.

حەوتەم: خوێندنەوەی یەکەم بۆ پێشنیازەیاسای هەمواری یەکەمی دەستە گشتییەکان بۆ چاودێری تەرخانکراوەکانی داهاتەکانی فیدراڵی.

هەشتەم: خوێندنەوەی یەکەم بۆ پێشنیازەیاسای پاراستنی مافی کەمینەکان.