لیژنەی دارایی پەرلەمانی عێراق بۆ دەنگدان لەسەر هەمواری بوودجە کۆبووەوە

ئاڤا نیوز

 

پێش دەستپێکردنی کۆبوونەوەی پەرلەمان، لیژنەی دارایی لە بارەی هەمواری بڕگەی (ج) ماددەی 12 لە یاسای بوودجە، کۆبووەوە و بڕیاری کۆتایی لە بارەوە درا.

 

زانیاریی پەیامنێر: دەروون مەلا ناجی، پەیامنێری ئاڤا لەئەنجوومەنی نوێنەرانی عێراق ڕایگەیاند: کۆبوونەوەی لیژنەی دارایی ئەنجوومەنی نوێنەران کۆتاییهات و دەنگدرا لەسەر ئەو پرۆژەیەی تایبەتە بە هەمواری یاسای بودجە کە لەحکومەتەوە هاتووە پەسەند بکرێت بەبێ دەستکاری کردن.

بۆچی گرنگە: بە هەموارکردنەوەی بڕگەی (ج) ماددەی 12 لە یاسای بودجە، ئەو بەربەستانەی لەبەردەم هەناردەکردنەوەی نەوتی هەرێمی کوردستان هەبوون نامێنن. بەگوێرەی هەموارەکە تێچووی دەرهێنان و گواستنەوەی نەوتی هەرێمی کوردستان لە شەش دۆلارەوە بۆ 16 دۆلار زیاد دەکرێت.