عێراق دەست بە دابەشکردنی مووچەی مانگی یەک دەکات

ئاڤا نیوز

 

وەزارەتی دارایی عێراق لە بەیاننامەیەکدا، دابەشکردنی مووچەی فەرمانبەران و هێزە ئەمنییەکانی بۆ مانگی یەکی ئەمساڵ ڕاگەیاند.

 

وێنە گەورەکە: بەڕێوەبەرایەتیی ژمێریاری لە وەزارەتی دارایی عێراق، ئەمڕۆ یەکشەممە دەستیکردووە بە ڕێکارەکانی دابەشکردنی مووچەی فەرمانبەر و مووچەخۆران بۆ ئەم مانگە، ئەمەش لە کاتێکدایە وەزارەتی دارایی عێراق تاوەکو ئێستا مووچەی مانگی 12ی ساڵی ڕابردووی مووچەخۆرانی هەرێمی کوردستانی خەرج نەکردووە.

 

ڕاگەیێنراوی فەرمی: بەڕێوەبەرایەتییەکە داوای لە "یەکەکانی خەرجکردن لە وەزارەت و پارێزگاکان و لایەنە نەبەستراوەکان بە وەزارەت کردووە، نوێنەرە ڕێگەپێدراوەکانیان بنێرن بۆ تەواوکردنی ڕێکارەکانی دابینکردنی دارایی مووچەی فەرمانبەر و مووچەخۆرەکانیان ئەوەش بە لەبەرچاوگرتنی پابەندبوون بە خشتەی مانگانەی دارایی  کە لەلایەن ئەوانەوە پەسەندکراوە."

 

گۆشەیەکی دیکە: بڕیارە ئەمڕۆ یەکشەممە شاندێکی باڵای حکومەتی هەرێمی کوردستان بۆ پرسی مووچە و بودجەی هەرێمی کوردستان لەگەڵ وەزیری دارایی و ئابووری کۆببنەوە.