ئاڤا بەدواداچوون بۆ مووچەی 172 کارمەندی تەندروستیی بەحرکە دەکات

 

ئاڤا نیوز

دەیان کارمەندی تەندروستی لە نەخۆشخانەی بەحرکە بۆ نەخۆشیەکانی هەناو  لە سنووری قەزای بەحرکە بەگرێبەستکراون، بەڵام تاوەکو ئێستا یەک دیناریان وەرنەگرتووە و داوایان کردووە ئاڤا بە دواداچوونیان بۆ بکات.

چیرۆکی سەرەکی: 172 کارمەندی تەندروستی لە قەزای بەحرکەی شاری هەولێر لە مانگی 7ـی ساڵی ڕابردوو  بڕیاری بە گرێبەستکردنیان دراوە و هەموو مامەڵەکانیان لە وەزارەتی تەندروستییەوە ڕادەستی وەزارەتی دارایی کراوە، هیچ کێشەیەکی نییە تەنیا خەرجکردنی ماوە.

زانیاریی تایبەت: ئاڤا پەیوەندی کردووە بە دکتۆر دلۆڤان محەممەد، بەڕێوەبەری گشتیی تەندروستی هەولێر، ئەویش پێی گوتین، "ئەم گرفتە تەنیا بەحرکە نییە و بەشێکی ناوچەکانی دیکەی هەرێمی کوردستانە، بابەتەکە لە وەزارەتی دارایی و ئابووری وەستاوە و لەسەر هێڵین بۆ ئەوەی پارەی گرێبەستی ئەو کارمەندانە خەرج بکرێت و پارەکیانە نافەوتێت."