خالید خۆشناو: ماڵی کوردستان كاریگەری گەورەی هەیە بەسەر كاری بزنس و پڕۆژە ئابوورییەكان

ئاڤا نیوز

سەرۆكی جێبەجێكاری کۆمپانیای هێمن گروپ كە بەشدارە لە كۆڕبەندی ئابووریی داڤۆس ڕایدەگەیەنێت، بەشداریكردنی كورد بە ماڵێكی سەربەخۆ، پێگەی هەرێمی كوردستان لەسەر ئاستی نێودەوڵەتی بەهێزتر دەكات و كاریگەری گەورەشی دەبێت بەسەر كاری بزنس و پڕۆژە ئابوورییەكان.

لێدوانی فەرمی: خالید خۆشناو، سەرۆکی جێبەجێکاری هێمن گرووپ بەناوی وەبەرهێنەران و كۆمپانیا بەشداربووەكان لە ماڵی کوردستان لە داڤۆس وتارێكی پێشكەش كرد و سوپاسی سەرۆكوەزیرانی كرد بۆ ڕەخساندنی ئەو دەرفەتە پڕ بایەخە بۆ كۆمپانیاكانی كوردستان كە كاریگەری گەورەی هەیە بەسەر كاری بزنس و پڕۆژە ئابوورییەكان.

- كردنەوەی ماڵی كوردستان لە چوارچێوەی پڕۆگرامی حكومەتی هەرێمی كوردستان دێت کە مەبەست لێی كردنەوەی دەرگایێكی دیكەیە بۆ ناساندنی هەرێمی كوردستان و بەهێزكردنی پەیوەندییەكان لەگەڵ گەورە كۆمپانیاكانی جیهان، هەروەها دۆزینەوەی دەرفەتە بۆ ڕاكێشانی دەستی وەبەرهێنانی وڵاتان بۆ ناوخۆی كوردستان.

- بەشداریكردنی كورد بە ماڵێكی سەربەخۆ، پێگەی هەرێمی كوردستان لەسەر ئاستی نێودەوڵەتی بەهێزتر دەكات کە دەرئەنجام و دەرخەری سیاسەتی ڕاست و دروستی حكومەتی هەرێمی كوردستانە بۆ پێشخستنی ئابووری كوردستان.