بۆ یەکەم جار عێراق سەقەر دوو و حاریس بەرهەم دەهێنێت

 

ئاڤا نیوز

پڕۆژەی دروستکردنی فڕۆکەی بێفڕۆکەوان لە عێراق ئاشکرایکرد، سەرجەم قۆناغەکانی بەرهەمهێنانی فڕۆکەی بێفڕۆکەوانی جۆری سەقەر دوو و حاریس کۆتایی هاتووە.

وێنە گەورەکە: پڕۆژەی دروستکردنی فڕۆکەی بێفڕۆکەوان بەشێکە لە دامەزراوەی پیشەسازیی جەنگی لە عێراق، لە 2024-9-16 بەفەرمی بڵاویکردەوە، فڕۆكەی بێفڕۆكەوانی جۆری "سەقەر یەک" ـی بەرهەمهێنا و چەند دانەیەكیشی رادەستی هێزە ئەمنییەكان كرد.

 

لێدوانی فەرمی: ئەحمەد نیهاد بەڕێوەبەری پڕۆژەی دروستکردنی فڕۆکەی بێفڕۆکەوان ڕایگەیاند: 

- بۆ یەکەم جار تیمێکی ئەندازیاری عێراقی توانییان هەموو قۆناغەکانی دوو جۆری نوێ لەفرۆکەی بێ فڕۆکەوان تێپەڕێنن و بەم زووانە ڕادەستی هەردوو وەزارەتی بەرگری و ناخۆی دەکەن .

- ئەو دوو فڕۆکەیە لەجۆری سەقەر دوو و حاریسە، مەودای فڕینی هەر یەکێکیان 20-30 کێلۆمەترە و جگە لە بابەتی هەواڵگری بۆ کاروباری مەدەنیش بەکاردێن .