سەرۆکی پارتی زەفەر بە تۆمەتی "بێڕێزیکردن بە ئەردۆغان" دەستبەسەر کرا

ئاڤا نیوز

ئومیت ئۆزداغ، سەرۆکی پارتی زەفەر کە پارتێکی ئۆپۆزسیۆنە بەهۆی ئەوەی لە دوایین گوتاری دا بە توندی هەڕەشە دەکاتە سەر ڕەجەب تەیب ئەردۆغان، سەرۆککۆماری تورکیا بە تۆمەتی"سوکایەتیکردن و بێرێزیکردن بە ئەردۆغان" دەستبەسەرکرا.

چیرۆکی سەرەکی: ئومیت ئۆزداغ، سەرۆکی پارتی زەفەر لە کۆبوونەوەی سەرۆک پارێزگاکانی پارتەکەی بە تووندی هەڕەشەی کردە سەر ئەردۆغان و گوتی: ئەردۆغان دەوڵەتی پەرەلێلی دروست کرد و جاسوسی گیولەنەکانی خسەتە نێو تورکیاوە، ئەو زیانی بە مێژوو، بە بیروڕای ئایینی و کولتووری گەلی تورکیا گەیاندووە، ئێمە ڕووبەڕووی دەبینەوە.

ئەوەی ڕوودەدات: سەرۆکی پارتی زەفەر، بۆ لێکۆڵینەوەکە لە ئەنقەرە دەستبەسەرکرا، دواتر گواسترایەوە ئیستەنبووڵ. دواکاری گشتیی ئیستەنبووڵ تاوانەکەی فراوانتر کردووە و تۆمەتبارکراوە بە"هاندانی خەڵک بۆ ڕق و دوژمنایەتی".

ئەوەی پێویستە بیزانیت: ئۆزداغ، کەسایەتییەکی سیاسی تورکیایە، زۆربەی جار هەڵوێستەکانی دژی دەسەڵاتی تورکیا و ئاکپارتییە، یەکێکە لەو کەسانەی بە تووندی دژایەتی هەوڵەکان و دەستپێکردنی دانووستانی نێوانی ئیمڕالی و دەسەڵات دەکات.