'بە خەواندنی موگناتیسی' دزیی لە خەڵک دەکرێت؛ قوربانییەک چیرۆکەکەی بۆ ئاڤا دەگێڕێتەوە

ئاڤا نیوز

 

شێوازێک لە دزیکردن و بردنی پارەی هاووڵاتیان لە ڕێگەی 'خەواندنی موگناتیسی' لە ناحیەی عەقرقۆف لە ئەبو غرێب دانیشتووانی ناوچەکەی هەراسانکردوە، قوربانییەکی دزیکردنەکەش ڕووداوەکە بۆ ئاڤا دەگێڕێتەوە و دەڵێت، " دەستیان هێنا بە پشتما و ئاگام لەخۆم نەما".

لێدوانی فەرمی: سەلام یەکێکە لە قوربانییەکانی دزییەکە و دەڵێت، باندێکی سێ کەسی هاتونەتە لای، لەدوای گفتوگۆکردن دەستیان بە پشت و قۆڵیدا هێناوە خەواندنی موگناتیسیان بۆ کردوە، دواتر ئاگای لەخۆی نەماوە و چووەتە ژێر کۆنتڕۆڵییانەوە، پاشان بەئۆتۆمبێل سێ کەسەکەی بردووە بۆ ماڵی خۆیان و ئەو پارەیەی کە بە کرێکاریی کۆی کردووەتەوە پێشکەشیانی کردوە بەبێ ئەوەی ئاگاداری خۆی بێت.
 
زانیاریی زیاتر: لە ماوەی نزیکەی 10مانگدا شەش حاڵەتی لەو شێوەیە لە ناحیەی ئەقرقۆف تۆمارکراوە، بە گوتەی دانیشتووانی ناوچەکە ئەو باندەی کە بەکارەکە هەڵدەستن جلوبەرگی ڕەسەنی عەرەبی دەپۆشن و خۆیان وەکو شێخ دەناسێنن.

 

ئەوەی پێویستە بیزانیت: بەتەنها لە ناوچەی شیحە باندەکە توانیوێتی لەڕێگای خەواندنی موگناتیسییەوە نزیکەی 10 ملیۆن دیناری هاووڵاتییان ببەن، تائێستاش هێزە ئەمنییەکان هیچ کەسێک دەستگیر بکەن.