عێراق لەبارەی پێدانی ڤیزە مەرج بۆ هەرێمی کوردستان دادەنێت

ئاڤا نیوز

 

ئەنجوومەنی وەزیرانی عێراق، پلاتفۆڕمی دەستەبەری نیشتمانیی پەسندکرد و هەرێمی کوردستان و ژمارەیەک وەزارەت پابەند بە پێدانی ڤیزە دەکات بۆ تاراوگەنشینان و سەردانیکارانی بیانی، کە بەبێ بوونی بەڵگەنامە بیمە لە پلاتفۆرمەکەدا ڤیزە و مۆڵەتی هاتنە ناوەوە نەدەن.

 

چیرۆکی سەرەکی: سێشەممە 21-1-2025، ئەنجوومەنی وەزیرانی عێراق بە سەرۆکایەتیی محەممەد شیاع سوودانی کۆبووەوە، لە کۆبوونەوەکەدا چەند بڕیارێک دەرکران.

 

ڕاگەیێنراوی فەرمی: نووسینگەی ڕاگەیاندنی سەرۆکوەزیرانی عێراق ڕایگەیاند: بەمەبەستی بەڕێوەبردن و ڕێکخستنی کاروباری سەردانیکاران، ئەنجوومەنی وەزیرانی عێراق پلاتفۆرمی بیمەی نیشتمانی عێراقی بۆ (تاراوگەنشیان و سەردانکەران و کەسانی بیانی) پەسەند کرد.

 

- پابەندکردنی وەزارەتەکانی "دەرەوە، کار و کاروباری کۆمەڵایەتی، ڕۆشنبیری و گەشتوگوزار و شوێنەوار"، هاوکات "دەستەکانی وەبەرهێنان و نوێنەرایەتی هەرێمی کوردستان" بۆ پێنەدانی ڤیزە یان مۆڵەتی هاتنە ژوورەوە، تەنیا بە مەرجی بەدەستهێنانی بەڵگەنامەی بیمە لەو پلاتفۆرمەی پێشتر ئاماژەی پێکراوە، بە پشتبەستن بە بڕگەکانی یاسای بیمەی تەندروستی ژمارە 22ـی ساڵی 2020.