ڕۆژێک پشووی فەرمیی ڕاگەیێنرا

ئاڤا نیوز 

 

بەبۆنەی ساڵیادی کوژرانی ئیمام موسا کازم، لە حەوت پارێزگای عێراق ڕۆژی یەکشەممەی داهاتوو کرایە پشووی فەرمی. 

 

زانیاریی بەدەستهاتوو: هەریەک لە پارێزگاکانی بەغدا، بەسرە، کەربەلا، موسەننا، واست، میسان و زیقار ڕۆژی یەکشەممەی داهاتوو 26ی ئەم مانگەیان کردووە پشووی فەرمی لە دامودەزگا فەرمییەکان، بە بۆنەی ساڵیادی شەهیدبوونی ئیمامی موسا کوڕی جەعفەر کوڕی کازم.

 

ئەوەی پێویستە بیزانیت: لە 25ی مانگی ڕەجەبی ساڵی کۆچی کە ئەمساڵ دەکەوێتە 26-1 لە هەموو ساڵێک شیعە مەزهەبەکان یادی کۆچی دوایی ئیمامی کازم (حەوتەمین ئیمامی ئەهلی بەیت بۆ شییعەکان) دەکەنەوە.

 

 ڕێورەسمەکان بریتین لە؛ سەردانیکردنی ناوچەی کازمییە لە بەغدا کە مەزاری ئیمام موسا کازمی لێیە، موسڵمانانی شیعە مەزهەب لە چەندین وڵاتی دراوسێ و جیهانی ڕوو لە عێراق دەکەن و بەشداریی ڕێوڕەسمەکەدا دەکەن.