ترەمپ ڕێگە بە مەسک دەدات تیکتۆک بکڕێت

ئاڤا نیوز

لە ئەمریکا پلاتفۆرمی تیکتۆک ڕووبەڕووی قەدەغەکردن دەبێتەوە و دۆناڵد ترەمپ سەرۆکی ئەمریکا دەرگا بۆ ئیلۆن مەسک دەکاتەوە ئەگەر بیەوێت پلاتفۆرمەکە بکڕێت.

چیڕۆکی سەرەکی: کۆمپانیای تیکتۆک لە چەندین وڵات بە هۆکاری جیاوازەوە ڕووبەڕووی سنووردارکردن یان هەڕەشەی داخستن بووەتەوە، یەکێک لەو وڵاتانە ئەمریکایە، لە دادگای باڵای ئەو وڵاتە بڕیار درا تیکتۆک بفرۆشرێتە کۆمپانیایەک کە چینی نەبێت.

لێدوانی فەرمی: دۆناڵد ترەمپ سەرۆکی ویلایەتە یەکگرتووەکانی ئەمریکا لە وەڵامدانەوەی پڕسیارێک سەبارەت بە تیکتۆک ڕایگەیاند،'' ئێمە کراوەین بەڕووی ئیلۆن مەسکدا ئەگەر بیەوێت پلاتفۆرمەکە بکڕێت''

زانیاریی بەدەستهاتوو: کۆمپانیای تیکتۆک بە ئاڤای ڕاگەیاندبوو، ''کێشەکەمان چارەسەر کردووە، دۆناڵد ترەمپ دڵنیایی پێداوین کە تیکتۆک لە ئەمریکا ڕووبەڕووی هیچ سزایەک نابێتەوە''