مەسرور بارزانی و گۆتێرێس جەخت لە مافە دەستوورییەکانی هەرێمی کوردستان دەکەنەوە

ئاڤا نیوز

سەرۆکوەزیران مەرسرور بارزانی و سکرتێری گشتیی نەتەوەیەکگرتووەکان کۆبوونەوە و چەند پرسێکی تایبەت بە ناوچەکەیان تاوتوێ کرد.

چیرۆکی سەرەکی: سەرۆکوەزیران مەسرور بارزانی، لەگەڵ ئەنتۆنیۆ گۆتێرێس، سکرتێری گشتیی نەتەوەیەکگرتووەکان لە کۆڕبەندی داڤۆسی سویسرا جەختیان لە ڕێزگرتن لە مافە دەستووری و شایستە داراییەکانی هەرێمی کوردستان کردەوە.

ڕاگەیێنراوی فەرمی: سەرۆکوەزیران بارزانی ستایشی هەوڵەکانی د. محه‌مه‌د ئه‌لحه‌سسان، نوێنه‌رى تايبه‌تى سكرتێرى گشتیی UN و به‌رپرسی (يوونامى) لە عێراق کرد بە ئاراستەی چارەسەرکردنی کێشەکانی هەولێر و بەغدا و پاراستنی ئاشتی و سەقامگیریی عێراق.

لەلایەکی دیکەوە: گۆڕانکارییەکانی ڕۆژهەڵاتی ناوەڕاست و ئاگربەستی غەززە، بە تایبەت دۆخی ئێستای سووریا تەوەرێکی دیکەی کۆبوونەوەکە بوو، هەردوولا هاوڕابوون لە سەر گرنگیی بەردەوامبوونی ئاگربەست لە کەرتی غەززە و پشتیوانیکردنی کۆمەڵگەی نێودەوڵەتی لەپێناو پاراستنی ئاشتی و ئارامیی لە سووریا.