فایەق زێدان: سەربەخۆیی دادوەری بناغەی بوونیادنانی هەر سیستەمێکی دیموکراسییە

ئاڤا نیوز

سەرۆکی ئەنجوومەنی باڵای دادوەریی عێراق ڕایدەگەیێنێت، سەربەخۆیی دادوەری بناغەی بوونیادنانی هەر سیستەمێکی دیموکراسییە و پایەیەکی بنەڕەتییە لە بەدیهێنانی دادپەروەری و یەکسانی لەنێوان هەموو هاووڵاتیان بەبێ جیاوازی.

چیرۆکی سەرەکی: بەبۆنەی ڕۆژی دادوەریی عێراقەوە، فایەق زێدان  سەرۆکی ئەنجوومەنی باڵای دادوەریی عێراق پەیامێکی بڵاو کردەوە.

پەیامی فەرمی: لە پەیامەکەدا سەرۆکی ئەنجوومەنی باڵای دادوەریی عێراق ڕایگەیاند:

-کارمان بۆ بەرزکردنەوەی سەربەخۆیی دەسەڵاتی دادوەری و دابینکردنی کەشێکی گونجاو بۆ دادوەرەکان کرد بۆ ئەوەی بە ئازادی و بێلایەنانە کاربکەن، دوور لە هەر کاریگەرییەک.

- پرۆسەی دادوەری شایەتی گۆڕانکاری گرنگ بووە، کە لە دروستکردنی دادگاکانەوە دەستی پێکردووە، لە ڕێگەی پەرەپێدانی یاساکانەوە، گەیشتن بە بەهێزکردنی سەربەخۆیی دەسەڵاتی دادوەری.

- دەسەڵاتی دادوەری توانای خۆی سەلماندووە بۆ ڕووبەڕووبوونەوەی ئەو ئاڵنگاری و ئاستەنگییە گەورانەی کە پێکهاتەی دەوڵەتی عێراقیان خستبووە مەترسییەوە.

-دەسەڵاتی دادوەری ئەو خاڵە گەشاوە بوو کە یارمەتیدەر بوو بۆ بەدەستهێنانی هاوسەنگی و بوونیادنانەوەی متمانە لە نێوان گەل و دەوڵەتدا.

- بەرپرسیارێتی ئێمە وەک دادوەر زۆرە، چونکە ئێمە متمانەی گەورەی پاراستنی دادپەروەری و پاراستنی ماف و ئازادی تاکەکان لە ئەستۆ دەگرین.