ڕێژەی بێکاری لە عێراق بۆ 16% بەرزدەبێتەوە

ئاڤا نیوز

دامەزراوەی "عێراقی داهاتوو" بۆ لێکۆڵینەوە و ڕاوێژی ئابووری، زیادبوونی ڕێژەی بێکاری لە عێراق بۆ 16% ڕاگه‌یاند.

وێنە گەورەكە: سەرەڕای ئەوەی عێراق بە یەكێك لە وڵاتە دەوڵەمەندەكانی جیهان دادەنرێت کە خاوەنی زۆرترین سەرچاوەی سروشتیی و خاكێکی بەپیت و بەرهەمە، كەچی دۆخی هەژاری و بێكاری لە ئاستێكی مەترسیداردایە، بەتایبەت لە پارێزگاکانی ناوەڕاست و باشوور.

لێدوانی فەرمی: مەنار عوبەیدی، توێژەریی كاروباری ئابووری و سەرۆکی دامەزراوەی "عێراقی داهاتوو" ڕایگەیاند:

- ڕێژەی بێکاری لە عێراق بۆ 16% بەرزبووەتەوە، هاوکات ڕێژەی بێکاری لەنێو ئافرەتاندا زیاترە لە پیاوان.

- عوبەیدی ئاماژەی بەوەشکرد، وێڕای زیادبوونی ژمارەی چێشتخانە، هۆتێل ، کافێ، گەشەسەندنی کەرتی بیناسازی و نەوت، بەڵام بەهۆی لاوازی توانای کێبڕکێیانەوە لەگەڵ کرێکارانی بیانی، هاونیشتمانییانی عێراقی نەیانتوانی سوودی لێ وەربگرن.